काँग्रेच्युलेशन्स अँड सेलिब्रेशन्स…!! ‘जेठालाल’च्या आयुष्यात नवी खुशखबर! काय आहे ती? दया येणार का? (बघा व्हिडिओ)

इंडिया दर्पण ऑनलाईन डेस्क – कितीही टेन्शन असो पण ‘तारक मेहता का उल्टा चष्मा’ पाहिला की ताण, टेन्शन पळून गेलंच पाहिजे. छोट्या पडद्यावरील लोकप्रिय मालिका ‘तारक मेहता का उल्टा चष्मा’ने नुकतीच १४ वर्षे पूर्ण केली. सध्या ही मालिका काही ना काही कारणामुळे चर्चेत असते. मागच्या काही काळात अनेक कलाकारांनी ही मालिका सोडली. त्यामुळे सोडून गेलेल्या कलाकारांच्या जागी नवीन कलाकार येणार की जुनेच परत येणार यावरून जोरदार चर्चा सुरू आहे.

तारक मेहतांची भूमिका साकारणाऱ्या शैलेश लोढा यांनी मालिका सोडली, त्यानंतर त्यांना जैनीराज राजपुरोहित रिप्लेस करणार असल्याची चर्चा होती. परंतु निर्मात्यांनी या वृत्ताचं खंडन केले आहे. अशातच मालिकेच्या नव्या प्रोमोने प्रेक्षकांचं लक्ष वेधले आहे. तारक मेहताला खुशखबरी मिळणार आहे. मात्र ही खुशखबरी त्यांच्या आयुष्यात आणखी कोणतं वादळ आणणार आणि त्याने कोणते नवे हास्याचे तुषार उडणार याने प्रेक्षकांची उत्सुकता ताणली गेली आहे.

‘तारक मेहता का उल्टा चश्मा’मध्ये जेठालाल अनेकदा अडचणी आणि संकटात सापडलेले दिसतात. त्यांच्या आयुष्यात एक संकट संपत नाही की दुसरे येते आहे. परंतु यावेळी त्यांना कोणत्याही संकटाची बातमी नाही तर आनंदाची बातमी मिळणार आहे. जेठालालच्या आयुष्यात आनंद येण्याची शक्यता कमी असते, पण यावेळी त्यांच्यासाठी एक खुशखबर आली आहे. त्यामुळे ही आनंदाची बातमी काय आहे हे जाणून घेण्यासाठी लोक आतुर आहेत.

जेठालालच्या आयुष्यातील आनंदाच्या क्षणाबद्दल बोलायचं झाल्यास दयाबेन परत येतील का, हाच विचार प्रेक्षकांच्या मनात येतो. कारण लोक दयाबेनची आतुरतेने वाट पाहत आहेत आणि आता हा प्रोमो पाहून त्या शोमध्ये परत येण्याची अशा लोकांना वाटते आहे. त्यांच्याशिवाय मालिकेत मेहता परतणार का, अशीही चर्चा आहे. त्यामुळे प्रेक्षक आगामी भागांबद्दल खूप उत्सुक दिसत आहेत. हा प्रोमो पूर्ण पाहिल्यावर तुमच्या लक्षात येईल की कोणतीही नवीन व्यक्ती या शोमध्ये येणार नाही. तर, जेठालाल अमेरिकेला जाणार ही आनंदाची बातमी आहे

नव्या प्रोमोमध्ये जेठालालला अमेरिकेला जाण्याची संधी मिळाल्याचे दाखवण्यात येत आहे. जेठालालला बाघा आणि नट्टू काका ही बातमी देताना दिसत आहे. ही बातमी ऐकल्यानंतर जेठालालला धक्का बसल्याचं दिसतंय. दरम्यान, जेठालाल येत्या भागांमध्ये खरंच अमेरिकेला जाणार की हे त्याच्यावर येणारं संकट असेल, हे पाहणे औत्सुक्याचे ठरणार आहे.

https://twitter.com/TMKOC_NTF/status/1562839724556898308?s=20&t=tvDgmPK9V-Z9O818Eq_z_A

TMKOC TV Show Jethalal New Good News Video
Entertainment Tarak Mehta Ka Oltah Chashmah
America Tour