इंडिया दर्पण ऑनलाईन डेस्क – ‘तारक मेहता का उल्टा चष्मा’ ही छोट्या पडद्यावरील अत्यंत लोकप्रिय मालिका आहे. दीड दशकांहून अधिक काळ या मालिकेनं प्रेक्षकांच्या मनावर राज्य केले आहे. आपल्या रोजच्या आयुष्यातील अनेक घटनांशी मिळत्या जुळत्या प्रसंगांमुळे ही मालिका चाहत्यांच्या जवळची आहे. सध्या या मालिकेतील अनेक कलाकार यातून बाहेर पडत आहेत. यामुळे चाहत्यांमध्ये नाराजी आहेच. पण आता यातील कलाकारांचे अपघात होत असल्याने मालिकेतील कलाकार यातून ब्रेक घेत आहेत. नुकताच यातील चंपक चाचा या व्यक्तिरेखेचा अपघात झाल्याने त्यांनी मालिकेतून ब्रेक घेतला आहे. ही घटना ताजी असतानाच आता मालिकेतील बबिता अर्थत मुनमुन दत्ता हिचा अपघात झाल्याचे वृत्त आहे. बबिता या एका ट्रीपवर असताना हा अपघात झाला असून यासंदर्भात त्यांनीच पोस्ट लिहीत माहिती दिली आहे.
‘तारक मेहता का उल्टा चष्मा’ ही मालिका अनेक वर्षांपासून प्रेक्षकांचं निखळ मनोरंजन करते आहे. या मालिकेतील प्रत्येक कलाकाराने प्रेक्षकांच्या मनावर विशेष छाप सोडली आहे. जेठालाल, दयाबेन, बबिता, टप्पू, चंपक चाचा या भूमिकांचा एक वेगळा चाहतावर्ग आहे. यातील बबिता यांची भूमिका साकारणारी अभिनेत्री मुनमुन दत्ता हिचा जर्मनीमध्ये अपघात झाल्याची माहिती समोर आली आहे. मुनमुन यांना फिरण्याची फारच आवड आहे. आठवड्याभरापूर्वी त्यांनी युरोप ट्रिपची सुरुवात केली. मात्र, जर्मनीत त्यांचा छोटा अपघात झाला. या अपघातानंतर त्यांना घरी परतावं लागत आहे. मुनमुनने इन्स्टाग्रामवर स्टोरी पोस्ट करत याची माहिती दिली आहे. ‘जर्मनीमध्ये माझ्या डाव्या गुडघ्याला दुखापत झाली आहे. त्यामुळे मी पुढचा प्रवास करू शकत नाही. मला घरी परत जावं लागतंय’, अशी पोस्ट मुनमुनने केली आहे.
मुनमुनची बातमी सोशल मीडियावर व्हायरल होताच नेटकरी आणि चाहत्यांनी काळजी व्यक्त केली आहे. काही दिवसांपूर्वी तारक मेहतामध्ये जेठालाल यांचे वडील चंपक चाचाची भूमिका करणाऱ्या अमित भट्ट यांना देखील अपघात झाला होता. त्यानंतर चाहत्यांनी काळजी व्यक्त केली होती. आता मुनमुन दत्ताच्या अपघाताच्या बातमीने चाहत्यांमध्ये चिंता आहे. यामुळे चाहत्यांनी प्रार्थना करण्यास सुरुवात केली आहे. आपल्या पायाला दुखापत झाली असून चाहत्यांनी काळजी करू नये, आपण सुखरुप असल्याचे म्हटले आहे. मला दुखापत झाल्यानं दौरा अर्धवट सोडावा लागत असल्याचे मुनमुननं म्हटले आहे.
दोन दिवसांपूर्वीच मुनमुन स्वित्झर्लंडच्या इंटरलेकन ट्रेनने जर्मनीला पोहोचली. या ट्रिपचे फोटो ती सतत चाहत्यांसोबत शेअर करत होती. बॉलिवूडच्या प्रसिद्ध शूटिंग डेस्टिनेशनवरूनही तिने सुंदर फोटो पोस्ट केले होते. २००८ पासून मुनमून ‘तारक मेहता..’ या मालिकेत काम करत आहेत. या मालिकेतील अनेक कलाकार आजवर बदलल्या. मात्र बबिता जी ही भूमिका सुरुवातीपासून मुनमुनच साकारत आहे. या मालिकेशिवाय तिने काही चित्रपटांमध्येही भूमिका साकारल्या आहेत. कमल हसन यांच्या ‘मुंबई एक्स्प्रेस’ आणि २००६ मध्ये प्रदर्शित झालेल्या ‘हॉलिडे’ या चित्रपटात तिने काम केलं.
TMKOC Fame Actress MunMun Datta Accident
Entertainment TV Show
