इंडिया दर्पण ऑनलाईन डेस्क – ‘तारक मेहता का उल्टा चष्मा’ हा छोट्या पडद्यावरील अत्यंत लोकप्रिय मालिका. आज कित्येक वर्षे झाली तरी ही मालिका चाहत्यांच्या क्रमवारीत अव्वल स्थानी आहे. अनेक कलाकार सोडून गेले, अनेकांनी निर्मात्यांवर आरोप केले, तरीही चाहत्यांचे प्रेम काही कमी होताना दिसत नाही. आता पुन्हा एकदा चाहत्यांसाठी आनंदाची बातमी आहे. प्रेक्षकांची लाडकी दयाबेन लवकरच मालिकेत पार्टनर असल्याचे संकेत मिळत आहेत. या मालिकेच्या नवीन भागात दयाबेनच्या घरवापसीचे संकेत मिळाले आहेत. या एपिसोडचा व्हिडीओ सोशल मीडियावर व्हायरल झाल्यानंतर चाहत्यांना आनंद झाला आहे.
सोशल मीडियावर व्हिडीओ व्हायरल
दयाबेनची घरवापसी होणार असल्याची चर्चा इंटरनेटवर रंगली आहे. मालिकेचा नवीन भाग एक व्हिडीओ सोशल मीडियावर व्हायरल झाला आहे. ‘तारक मेहता’च्या निर्मात्यांनी दयाबेन लवकरच अहमदाबादहून मुंबईला परतणार आहे, असे संकेत दिले आहेत. नवीन भागात जेठालाल आणि दयाचा भाऊ सुंदरलाल यांच्यामधील संभाषणाचा व्हिडीओ सोशल मीडियावर व्हायरल झाला आहे. ज्यात सुंदरलालने दयाबेनच्या आगमनाचे संकेत देण्यात आले आहे. जेठालाल आणि सुंदरलाल यांनी दयाबेन नवरात्री किंवा दिवाळीला मुंबईला परत असं उघड केलं आहे. ‘तारक मेहता का उल्टा चष्मा’च्या ताज्या भागांमध्ये जेठालाल सुंदरला गोकुळधाममध्ये बोलण्यासाठी सोसायटीमधील सगळ्यांसोबत प्लानिंग करताना दिसत आहे.
डिलिव्हरीमुळे मालिकेतून ब्रेक
दयाबेनची भूमिका साकारणारी अभिनेत्री दिशा वकानी २०१७ मध्ये मॅटर्निटी ब्रेकवर गेली होती. त्यानंतर ती परत मालिकेत दिसली नाही. त्यामुळे दयाबेनचे चाहते नाराज झाले आहे. पण आता लवकरत दिशा वकानी शोमध्ये दिसणार आहे. ६ वर्षांनंतर दिशा वकानी म्हणजे दयाबेन काय कमाल दाखवणार हे पाहण्यासाठी चाहते उत्सुक आहेत. आता दयाबेनच्या भूमिकेत खरंच दिशा दिसणार आहे की नवी अभिनेत्री आता दयाबेन म्हणून रसिकांच्या समोर येणार? याचं उत्तर येत्या काही दिवसांत समजणार आहे.
