मुंबई (इंडिया दर्पण वृत्तसेवा) – बॉलीवूड मधील कलाकारांविषयी रसिकांमध्ये खूपच क्रेझ असते, हे अभिनेते आणि अभिनेत्री त्यांच्या वैयक्तिक जीवनात काय करतात? याची प्रत्येकाला उत्सुकता असते, मग त्यांचा वाढदिवस असो किंवा एखादी पार्टी ! अशाच एका नवोदित व प्रसिद्ध अशा अभिनेत्याचा आज वाढदिवस आहे, तो अभिनेता म्हणजेच टायगर श्रॉफ होय. जॉकी श्रॉफ यांचा मुलगा टायगर श्रॉफ हा त्यांची बॉडी, आणि फायटींग- ॲक्शन बद्दल प्रसिद्ध आहे.
सुरुवातीच्या काळात टायगर श्रॉफच्या लूकवर बरीच टीका झाली होती आणि रसिकांनी त्याला खूप ट्रोलही केले होते. कालांतराने टायगरने स्वतःच्या बॉडीवर काम करायला सुरुवात केली. आता परिस्थिती अशी आहे की, इंडस्ट्रीतील प्रत्येक मोठ्या निर्मात्याला त्याच्यासोबत काम करायचे आहे. मोठ्या पडद्यावर जबरदस्त स्टंट दाखवून रसिकांची मने जिंकणाऱ्या टायगर श्रॉफच्या खात्यात सध्या अनेक बिग बजेट बॉलिवूड चित्रपट आहेत. टायगर श्रॉफच्या चाहत्यांना त्याला पुन्हा पुन्हा पडद्यावर अॅक्शन सीन करताना पाहायचे आहे. त्याच्या आगामी चित्रपटांमध्ये आंतरराष्ट्रीय स्तरावरील अॅक्शन सीन्स पाहायला मिळणार आहेत.
गणपती
टायगर श्रॉफने त्याच्या पहिल्या चित्रपट हिरोपंतीमध्ये बॉलिवूड अभिनेत्री क्रिती सेननसोबत रोमान्स केला होता. पुन्हा एकदा या दोघांची जोडी मोठ्या पडद्यावर धमाल करणार आहे. क्वीन फेम दिग्दर्शक विकास बहल यांच्या गणपती या चित्रपटात त्यांची जोडी पुन्हा एकत्र दिसणार आहे. यावर्षी ख्रिसमसच्या मुहूर्तावर हा चित्रपट चित्रपटगृहांमध्ये प्रदर्शित होणार आहे.
हिरोपंती २
टायगरच्या डेब्यू चित्रपटाने बॉक्स ऑफिसवर चांगली कमाई केली. साजिद नाडियादवाला त्याच्या हिट चित्रपटाचा सिक्वेल घेऊन येत आहे. मात्र यावेळी टायगरसोबत तारा सुतारिया दिसणार नाहीये. हा चित्रपट एप्रिल 2022 मध्ये थिएटरमध्ये दाखल होणार आहे.
बडे मियाँ छोटे मियाँ
टायगर श्रॉफच्या या चित्रपटाचा टीझर नुकताच समोर आला आहे. ‘बडे मियाँ छोटे मियाँ’मधून टायगर पहिल्यांदाच अक्षय कुमारसोबत स्क्रीन शेअर करणार आहे. हा चित्रपट 2023 मध्ये ख्रिसमसच्या मुहूर्तावर प्रदर्शित होणार आहे. हा चित्रपट अली अब्बास जफर दिग्दर्शित करणार आहे.
अनुराग सिंगचा अॅक्शन थ्रिलर
अनुराग सिंगचा पुढचा चित्रपट असून नुकतीच बातमी आली होती की, टायगर श्रॉफ लवकरच केसरी फेम दिग्दर्शक अनुराग सिंगच्या पुढील प्रोजेक्टमध्ये दिसणार आहे. अनुराग अॅमेझॉन प्राइमसाठी अॅक्शन थ्रिलर प्रोजेक्टवर काम करणार आहे. यात टायगर मुख्य भूमिकेत दिसणार आहे.
