आरोग्य टीप्सः हा चहा बिनधास्त प्या; बिल्कुल फॅट नाही वाढणार

विशेष प्रतिनिधी, नागपूर

आले आणि विलायची टाकून केलेला चहा सर्वांत खास. ज्या लोकांना आले सहन होत नाही, ते विलायची टाकून चहा घेऊ शकतात. केवळ चहाच नाही तर विलायची टाकल्याने अनेक पदार्थांची चव सुरेख होते. विलायचीत पोटॅशियम, मॅग्नेशियम, व्हिटामीन बी1, बी6 आणि व्हिटामिन सी आढळते. वजन कमी करण्यासाठी त्याचा उपयोग होतो. तर विलायचीत असलेले फायबर व कॅल्शियम वजनावर नियंत्रण ठेवण्यासाठी मदत करते.

फॅट्स वाढू देत नाही

पोटाच्या जवळ वाढलेली चरबी सहजासहजी जात नाही. या चरबीमुळे बरेचदा व्यक्तिमत्त्वदेखील खुलून दिसत नाही. पण हिरवी विलायची नियमित खाल्यास ती फॅट्स वाढू देत नाही. ही चरबी बरेचदा ह्रदयाशी संबंधित आजारांचेही मूळ आहे.

शरीरातून विषारी तत्व बाहेर काढते

आयुर्वेदाने विलायचीला औषधाचा दर्जा दिला आहे. ही शरीरातून विषारी तत्व काढून फेकते. हे तत्व शरीरातील रक्तप्रवाहात अडथळे निर्माण करते आणि शरीरातील ऊर्जा कमी करण्याचाही प्रयत्न करते. त्यावर विलायचीचा चहा सर्वोत्तम उपाय आहे.

पोट फुगण्यापासून वाचवते

हिरवी विलायची अपचनाच्या समस्येतून मुक्ती देते. त्यामुळे बरेचदा पोट फुगण्याची समस्याही दूर होऊ शकते. त्यामुळेच विलायचीला गॅस्ट्रोइन्टेस्टायनल आजारांवरील प्रचलित औषध मानले जाते. उत्तम पचनशक्ती वजन कमी करण्यासाठी मदत करते.