नाशिक – नाशिक शहरात तूर्तास पाणी कपात केली जाणार नसून नागरिकांनी मात्र पाणी बचतीचे धोरण अवलंबावे असे आवाहन महापौर सतीश कुलकर्णी यांनी केले आहे. नाशिक शहरातील गंगापूर धरणाचा शहरासाठी असणारा शिल्लक पाण्याचा साठा लक्षात घेता व भविष्यातील पाण्याची निकड या गोष्टींचा विचार करून पाणी कपात करण्याच्या निर्णयासाठी महापौरांच्या अध्यक्षतेखाली मनपा पदाधिकारी व गटनेते तसेच पाणीपुरवठा विभागाचे अधिकारी यांची बैठक महापौर निवासस्थान रामायण येथे पार पडली. या बैठकीत हा निर्णय घेण्यात आला.
यावेळी बैठकीत सभागृहनेते सतीश सोनवणे,विरोधी पक्षनेते अजय बोरस्ते,गटनेते जगदीश पाटील,गजानन शेलार,विलास शिंदे यांनी विविध मुद्द्यांवर यावेळी चर्चा केली. कोरोनाची परिस्थिती लक्षात घेऊन पाणीटंचाई करू नये असे मत उपस्थित पदाधिकारी व गटनेते यांनी व्यक्त केले. शहरातील दररोज असणारी पाण्याची आवश्यकता व मनपाचा साठी उपलब्ध असणारे पाण्याचा साठा या सर्व गोष्टींचा विचार करून तूर्तास पाणी कपात करू नये. यासह नाशिकरोड येथे पुरवठा होत असलेल्या पाण्याबाबत तसेच शहरातील विविध भागातील पाणीपुरवठ्या बाबत या बैठकीत चर्चा झाली. या बैठकीत अंतिमतः महापौर सतीश कुलकर्णी यांनी सांगितले की नाशिक शहराची व्याप्ती त्या अनुषंगाने असलेली लोकसंख्या व शहरासाठी असलेले पाण्याचे आरक्षण विचार करून पाण्याची निकड लक्षात घेता नागरिकांनी पाणी बचतीचे धोरण अवलंबावे जेणे करून भविष्यात पाणी कपात करण्याचा प्रश्न उद्भवणार नाही. सध्याची शहरातील कोरोनाची परिस्थिती लक्षात घेता तुर्तास पाणी कपात केली जाणार नसल्याचे महापौर सतीश नाना कुलकर्णी यांनी सांगितले. यावेळी बैठकीस अधीक्षक अभियंता संदीप नलावडे,कार्यकारी अभियंता एस. एम. चव्हाणके व अविनाश धनाईत उपस्थित होते.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
