इंडिया दर्पण ऑनलाईन डेस्क – अनुभवी OTT प्लॅटफॉर्म आणि ऑनलाइन स्ट्रीमिंग कंपनी Netflix सध्या मोठ्या आर्थिक संकटाचा सामना करत आहे. त्यामुळेच Netflix कंपनीने सुमारे 150 कर्मचाऱ्यांना तडकाफडकी कामावरून काढून टाकले आहे. त्यामुळे सध्या या कंपनीबाबत आणि कर्मचाऱ्यांबाबत सध्या मोठी चर्चा होत आहे.
मिळालेल्या माहितीनुसार, नेटफ्लिक्सने हा लेऑफ फक्त अमेरिकेत केला असून स्ट्रीमरला कामावरून कमी करण्यात आले आहे. नुकतेच Netflix ला गेल्या दशकात सर्वाधिक ग्राहकांचे नुकसान झाले आहे. Netflix ला येत्या तिमाहीत ग्राहक कमी होण्याची भीती आहे, त्यामुळेच कंपनीने 150 कर्मचाऱ्यांना कामावरून काढून टाकण्याची घोषणा केली आहे.
नेटफ्लिक्स कंपनीच्या प्रतिनिधीने मीडियाला सांगितले की, कंपनीच्या महसुलातील वाढीचा अर्थ असा आहे की एक कंपनी म्हणून आम्हाला आमची किंमत वाढ कमी करावी लागेल. ते म्हणाले की, आज आम्ही सुमारे 150 कर्मचाऱ्यांना निघून जाण्यास सांगत आहोत याचे मला दुःख आहे. तसेच कंपनीच्या प्रतिनिधीने असेही स्पष्टपणे नमूद केले आहे की कर्मचार्‍यांची ही हकालपट्टी वैयक्तिक कामगिरीच्या आधारावर केली गेलेली नाही. तर व्यावसायिक गरजांच्या आधारे केली जात आहे. कारण आपल्यापैकी कोणीही अशा सक्षम कर्मचार्‍यांना निरोप देऊ इच्छित नाही.
नेटफ्लिक्सने अलीकडेच नोंदवले की पहिल्या तिमाहीत त्यांचे दोन दशलक्ष सदस्य कमी झाले. या कंपनीचे सर्वोच्च तांत्रिक विश्लेषक मार्क महाने यांचे मत आहे की या विभागातील सध्याची कमजोरी गुंतवणूकदारांसाठी अनेक संधी उपलब्ध करून देते. जानेवारीपासून कंपनीचे शेअर्स 70 टक्क्यांहून अधिक घसरले आहेत. नेटफ्लिक्स देखील कमी होत असलेल्या सदस्य संख्या लक्षात घेता मोठ्या प्रमाणावर पासवर्ड शेअरिंगला रोखण्यासाठी काम करत आहे.
