सुयश सोनवणे, इंडिया दर्पण वृत्तसेवा
नाशिक जिल्ह्यातील येवला शहरातील विंचूर चौफुलीवरील वर्दळीच्या रस्त्यावरील असलेले गणेश मेडिकल हे दुकान मध्य रात्रीच्या सुमारास चोरट्यानी फोडल्याची घटना घडली. दुकानात प्रवेश करण्यासाठी चोरट्यांनी दुकानाच्या छताला मोठे खिंडार पाडून दुकानात प्रवेश केला. त्यानंतर दुकानाच्या गल्ल्यात असलेली अंदाजे ५० ते ५५ हजाराची रोकड व इतर मुद्देमाल चोरुन नेला. ही सर्व घटना दुकानातील सीसीटीव्ही मध्ये कैद झाली असून पोलिस या घटनेचा तपास करीत आहे. विशेष म्हणजे या दुकानाच्या हाकेच्या अंतरावर पोलीस चौकी आहे.
