ठाणे (इंडिया दर्पण वृत्तसेवा) – शिक्षण हे पवित्र कार्य मानले जाते. ज्ञानदानाच्या या कार्यात शिक्षकांना गुरुवर्य म्हटले जाते. लहान मुले घडविण्यात तर शिक्षकांचा मोठा वाटा असतो. परंतु अलीकडच्या काळात काही शाळांमध्ये शिक्षकांकडूनच गैरप्रकार घडत असल्याचे उघड झाले आहे. मुंबई, पुणे या शहरांमध्ये बालवर्गातील मुलांना शिक्षकांकडून मारहाण झाल्याचे प्रकार घडले होते. आता ठाणे जिल्ह्यात कल्याणमध्ये एका विकृत मनोवृत्तीच्या शिक्षकांनी अगदी ५ वर्षे वयाच्या बालकावर अतिप्रसंग केल्याने सर्वांनाच धक्का बसला असून या प्रकरणामुळे शैक्षणिक क्षेत्रात मोठी खळबळ उडाली आहे. कल्याण येथील पूर्व भागातील एका इंग्रजी शाळेतील शिक्षकाने शाळेच्या स्वच्छतागृहात असा अतिप्रसंग करण्याचा प्रकार उघडकीला आला आहे. याप्रकरणी पालकांकडून पोलीस ठाण्यात तक्रार दाखल झाली असून या आरोपी शिक्षकाला अटक करण्यात आली आहे.
नृत्य शिकवणारा
कल्याण शहरातील पूर्व भाग हा गजबजलेल्या वस्तीचा या ठिकाणी अनेक शाळा आहेत. त्यात इंग्रजी शाळांचा देखील समावेश होतो त्यातच एका इंग्रजी शाळेत हा पीडित विद्यार्थी शिक्षण घेतो. शाळेतील स्वच्छतागृहात गेल्यावर समीर कदम नावाच्या विकृत मनोवृतीच्या या शिक्षकाने त्याच्यावर तेथे अतिप्रसंग करण्याचा प्रयत्न केला. या प्रकाराने भयभीत झालेल्या मुलाने रडत रडतच घरी पळ काढला, त्यानंतर त्याने पालकांना शाळेत घडला गैरप्रकार सांगितला. कदम हा शाळेत नृत्यशिक्षक असून त्याच्याबद्दल अनेक तक्रारी आता आले आहेत.
पालक शाळेत पोहचले
दरम्यान, ही वाईट घटना घडल्यानंतर शाळेला दोन दिवस सुट्टी असल्याने सोमवारी सकाळी पीडित मुलाचे पालक शाळेत पोहचले. त्यांनी व्यवस्थापन पदाधिकाऱ्यांना घडला प्रकार सांगितला. सुरुवातीला त्यांना हे खरेच वाटेना मात्र अधिक चौकशी केल्यानंतर त्यांनाही हा प्रकार ऐकून धक्का बसला. व्यवस्थापनाने या शिक्षकाची अंतर्गत चौकशी सुरू केली आहे. कोळसेवाडी पोलिसांनी शाळेतील सीसीटीव्ही चित्रण तपासून आरोपी शिक्षकाला अटक केली. या शिक्षका विरुध्द पॅाक्सो कायद्यांतर्गत गुन्हा दाखल करण्यात आला आहे. वरिष्ठ पोलीस अधिकारी या प्रकरणाचा तपास करत आहेत. सीसीटीव्ही फुटेजमुळे हा गैरप्रकार उघड झाला मात्र अशा अनेक घटना शाळांमध्येच नव्हे तर कानाकोपऱ्यात आणि रस्त्यावरही घडतात विशेषतः महिलांच्या बाबतीत अशा प्रकार घडत असल्याने कल्याण शहरांमध्ये भीतीचे वातावरण निर्माण झाले आहे.
Thane Crime School Teacher Student Sexual Harassment
Dance Minor Posco
