इंडिया दर्पण ऑनलाईन डेस्क – दक्षिणेकडील लोकांच्या श्रद्धेला मोल आणि मर्यादा दोन्ही नाही, असे म्हणतात. चित्रपटातील अभिनेत्याचे मंदिर बांधणे असो वा दुग्धाभिषेक. दाक्षिणात्य मंडळी मागे नसते. दक्षिणेकडील सुपीकबुद्धीच्या लोकांनी आता पहिलेवहिले थ्रीडी प्रिंटेड मंदिर साकारण्याचा निर्णय घेतला आहे. सिद्धीपेट येथील बुरुगुपल्लीमधील एक गेटेड व्हिला समुदाय चरविथा मीडोजमध्ये थ्रीडी प्रिंटेड मंदिर तयार करण्यात येत आहे.
वेगवेगळे विक्रम प्रस्थापित करून जगाचे लक्ष वेधून घेण्याचा प्रकार गेल्या काही वर्षांमध्ये वाढला आहे. याच अंतर्गत आता तेलंगणात थ्रीडी प्रिंटेड मंदिर उभारण्याचा संकल्प करण्यात आला आहे. प्राप्त माहितीनुसार, भारतात अशा प्रकारचे पहिलेच मंदिर ठरणार आहे. अद्यापपावेतो अशा प्रकारचे मंदिर उभारण्यात आलेले नाही. अप्सुजा इन्फ्राटेकने या प्रकल्पासाठी थ्रीडी प्रिंटेड कन्स्ट्रक्शन कंपनी सिम्पलीफोर्ज क्रिएशन्सशी करार केला आहे.
अप्सुजा इन्फ्राटेकचे एमडी हरी कृष्ण जीडीपल्ली म्हणाले,‘या संरचनेत तीन गर्भगृहे आहेत : भगवान गणेशासाठी एक मोदक, भगवान शंकरासाठी एक शिवालय आणि देवी पार्वतीसाठी एक कमळाच्या आकाराचे मंदिर असणार आहे.’ विशेष म्हणजे, हैदराबादच्या इंडियन इन्स्टिट्यूट ऑफ टेक्नॉलॉजीच्या सहकार्याने सिम्पलीफोर्ज क्रिएशन्सने मार्चमध्ये दोन तासांपेक्षा कमी कालावधीत भारतातील पहिला प्रोटोटाइप ब्रिज बांधला होता.
दरम्यान, आयआयटी हैदराबादच्या सिव्हिल इंजिनीअरिंग विभागातील प्राध्यापक केव्हीएल सुब्रमण्यम आणि त्यांच्या संशोधन समूहाने मंदिराची संकल्पना आणि डिझाइन विकसित केली आहे. यानंतर मंदिराभोवती असलेल्या बागेत पादचारी ब्रिज बांधण्यात आला. देवी पार्वतीच्या कमळाच्या आकाराच्या मंदिरावर काम करत आहे. शिवालय आणि मोदक पूर्ण झाल्यामुळे, दुसरा टप्पा कमळ आणि उंच शिखराचा (गोपुरम) समावेश आहे, असे अप्सुजा एच इन्फ्राटेकचे एमडी हरी कृष्ण जीडीपल्ली म्हणाले.
Telangana 3D Printed Temple Worlds First
