नवी दिल्ली (इंडिया दर्पण वृत्तसेवा) – येथील एका शाळेचा एक व्हिडिओ सध्या सोशल मिडियात प्रचंड व्हायरल झाला आहे. शिक्षिका वर्गामध्ये आपल्या मुलींसोबत डान्स करताना दिसत आहे. हा व्हिडीओ इतका छान आहे की, शिक्षिकेचा डान्स पाहून सगळेच त्यांचे फॅन झाले आहेत. वर्गातील विद्यार्थिनी नाचत असताना शिक्षिकेने हा डान्स केला आणि तिला डान्सच्या काही स्टेप्स शिकवायच्या आहेत.
शिक्षिका मनू गुलाटी यांनी स्वतः त्यांच्या ट्विटर हँडलवर शेअर केला आहे. त्यात त्यांनी लिहिले की, विद्यार्थ्यांना शिक्षक व्हायला आवडते. मॅडम, तुम्ही पण करा, असे विद्यार्थ्यांनी म्हटले. आमच्या शाळेचा दिवस इंग्रजी वर्गानंतर हरियाणवी संगीताने संपतो. त्याची ही एक झलक आहे. पन्नास सेकंदांचा हा व्हिडिओ आतापर्यंत हजारो जणांनी पाहिला आहे.
व्हिडिओमध्ये दिसत आहे की, वर्गात एक विद्यार्थिनी डान्स करत आहे. त्याचवेळी मागून एक मुलगी म्हणाली की मॅडम तुम्ही पण डान्स करा. मुलीने हे सांगताच शिक्षिका मनू गुलाटी नाचू लागतात. आणि मुलीला डान्स स्टेप्स शिकवू लागतात. शिक्षिकेला नाचताना पाहून विद्यार्थी आनंदी होतात आणि टाळ्या वाजवू लागतात.
https://twitter.com/ManuGulati11/status/1518618278276771841?s=20&t=z6MhKlCrcjhDuHik7vNVDA
विशेष म्हणजे, मनू गुलाटी ही तीच शिक्षिका आहे जिने अमेरिकेच्या तत्कालीन फर्स्ट लेडी मेलानिया ट्रम्प यांना त्यांच्या शाळेतील सरकारी शाळेच्या संघाचे नेतृत्व केले होते. मनू गुलाटी ज्या शाळेत शिकवतात त्याच शाळेत दोन वर्षांपूर्वी ट्रम्प यांच्या अधिकृत भेटीदरम्यान मेलानिया ट्रम्प पोहोचल्या होत्या. इतकंच नाही तर गेल्या वर्षी मेलानिया ट्रम्प यांनी आपल्या एका ट्विटमध्ये मनू गुलाटीला टॅग करून त्यांची भेट स्मरण केली होती.
