इंडिया दर्पण ऑनलाईन डेस्क – सध्याच्या काळात शेअर बाजारांमध्ये मोठी घडामोड सुरू आहे त्यातच मल्टी बेगर्सचा मोठा वाटा असल्याचे दिसून येते. अनेक मल्टी बेगर्स स्टॉक मुळे गुंतवणूकदारांचा प्रचंड फायदा होत आहे. विशेषतः टाटा समूहाच्या गुंतवणूकदारांना याचा प्रचंड लाभ होणार आहे असे सांगण्यात येते.
टाटा समूहाचा मल्टीबॅगर स्टॉक गुंतवणूकदारांना अंतिम लाभांश देण्याची तयारी करत आहे. हा स्टॉक Tata Elxsi चा आहे. मार्च 2022 तिमाहीचे निकाल जाहीर करताना, टाटा अॅलेक्सी म्हणाले की त्यांच्या बोर्डाने 2021-22 या आर्थिक वर्षासाठी 425 टक्के अंतिम लाभांश म्हणजेच 42.50 प्रति शेअरची शिफारस केली आहे. त्याच वेळी, टाटा ग्रुप कंपनीचा निव्वळ नफा जानेवारी-मार्च 2022 तिमाहीत 160 रुपयांपर्यंत वाढला आहे, तो एका वर्षापूर्वीच्या तुलनेत सुमारे 39 टक्क्यांनी अधिक आहे.
कंपनीच्या समभागांनी 1 वर्षात 157 टक्के पेक्षा जास्त परतावा
वर्ष-दर-वर्ष आधारावर, Tata Alexi चा महसूल 31.5 टक्क्यांनी वाढून 681.7 कोटी रुपये झाला आहे. कंपनीचे ऑपरेटिंग मार्जिन 32.5 टक्के राहिले. कंपनीचा सर्वात मोठा विभाग, एम्बेडेड प्रॉडक्ट डिझाइन (EPD), तिमाही आधारावर 7.5 टक्क्यांनी वाढला. त्याच वेळी, औद्योगिक डिझाइन आणि व्हिज्युअलायझेशन विभाग मागील तिमाहीच्या तुलनेत 8 टक्क्यांनी वाढला आहे. टाटा अलेक्सीच्या समभागांनी एका वर्षात 157 टक्क्यांहून अधिक परतावा दिला आहे. त्याचवेळी, या वर्षात आतापर्यंत कंपनीच्या समभागांनी 33 टक्क्यांहून अधिक परतावा दिला आहे.
कंपनीच्या समभागांनी 73 हजार टक्क्यांहून अधिक परतावा दिला
दि. 5 एप्रिल 1996 रोजी टाटा अलेक्सीचे शेअर्स 10.63 रुपयांच्या पातळीवर होते. दि. 20 एप्रिल 2022 रोजी कंपनीचे शेअर्स 7808.05 रुपयांवर बंद झाले. जर एखाद्या व्यक्तीने 5 एप्रिल 1996 रोजी कंपनीच्या शेअर्समध्ये 10,000 रुपये गुंतवले असतील आणि आपली गुंतवणूक कायम ठेवली असेल तर सध्याची रक्कम 73.45 लाख रुपये झाली असती. त्याचवेळी या काळात कंपनीच्या शेअर्समध्ये 1 लाख रुपये गुंतवले असते, तर सध्या ही रक्कम 7.34 कोटी रुपयांच्या जवळपास गेली असती. या कालावधीत कंपनीच्या समभागांनी 73,300 टक्क्यांहून अधिक परतावा दिला आहे. कंपनीच्या शेअर्सची 52 आठवड्यांची नीचांकी पातळी 2972 रुपये आहे. त्याच वेळी, 52 आठवड्यांची उच्च पातळी 9,420 रुपये आहे.
