राज्यातील या आठवड्यात तापमान कसे असणार…बघा, हवामानतज्ञांचा अंदाज

माणिकराव खुळे, हवामानतज्ञ
१- मुंबईसह कोकण वगळता महाराष्ट्रात सध्या जाणवत असलेले काहीसे ढगाळ वातावरण, शनिवार दि. ३ मे पर्यन्त म्हणजे आठवडाभर अजुन जाणवेल. पावसाची शक्यता मात्र किरकोळच समजावी. असे वाटते.

२- विदर्भ व मराठवाडा वगळता महाराष्ट्रात सध्या दुपारचे कमाल तापमान हे ३८ ते ४० तर विदर्भ व मराठवाड्यात मात्र भाग बदलत ४० ते ४२ डिग्री दरम्यान जाणवत आहे. जाणवणारे तापमान हे सरासरी इतकेच समजावे. शनिवार दि. ३ मे पर्यन्त म्हणजे आठवडाभर ह्या तापमानात एक दोन डिग्रीने वाढीची शक्यताही नाकारता येत नाही. रात्रीचा उकाडा व उष्णतेच्या लाटेची शक्यता महाराष्ट्रात मात्र ह्या आठवड्यात अजूनही जाणवणार नाही, असे वाटते.
वारा वहनाच्या शांततेतून मराठवाड्यातील ८ जिल्ह्यात मात्र उष्ण व दमट पणा ह्या आठवड्यात जाणवू शकतो, असे वाटते.

३- थोडक्यात कोणत्याही टोकाच्या वातावरणाची शक्यता सध्या महाराष्ट्रात नाही.
माणिकराव खुळे
Meteorologist (Retd)
IMD Pune.