मुंबई (इंडिया दर्पण वृत्तसेवा) – मुंबई मध्ये अल्पवयीन मुलाने गाडी चालवून अगोदर रिक्षाला धडक दिली त्यानंतर वृद्ध नागरिकाला जखमी केल्याची घटना घडली आहे. या घटनेचा व्हिडिओ सध्या सर्वत्र व्हायरल झाला आहे. चांदिवली परिसरातील ही धक्कादायक घटना आहे. १४ वर्षीय मुलाने आपल्या वडिलांच्या हातातून चावी घेवून थेट एसयुव्ही घेवून तो बाहेर पडला. त्यानंतर त्याने हे अपघात केले.
या घटनेबाबत मिळालेली माहिती असी की, चांदिवलीतील नाहर अमृत शक्ती रोड येथील कॉलनीजवळ हा मुलगा एसयुव्ही कार घेऊन निघाला.
पहिले त्याने रिक्षाला धडक दिली. त्यानंतर या कारने वृध्द माणसाला धडक दिली. या मुलाचा कारवरील ताबा सुटल्याने हा सर्व प्रकार घडला. या अपघातानंतर या मुलाने कारसह पळ काढला. पण, अपघाताचा हा संपूर्ण थरार सीसीटिव्ही कॅमेऱ्यात कैद झाला. त्यानंतर तो सर्वत्र व्हायरलही झाला.
या घटनेची माहिती मिळताच पोलिसांनी तात्काळ घटनास्थळी धाव घेतली. या प्रकरणी आता साकिनाका पोलीस अधिक तपास करत आहेत.
लहान मुलांना गाडी चालवायला देण्याची चूक किती महागात पडू शकते. खरं तर लहान मुलांचा काही हट्ट असला तरी त्यांना १८ वर्षे पूर्ण झाल्यानंतर प्रशिक्षित करुन वाहन पालकांनी देणे गरजेचे आहे. पण, त्या अगोदर दिले व असा अपघात झाला तर तो कोणाच्याही जीवावर सुध्दा बेतू शकतो. त्यामुळे पालकांनी याबाबत काळजी घेणे गरजेचे आहे.
SUV car driven by 14-year-old boy; Hit by a rickshaw, injured
A 14-year-old hits a senior citizen at Nahar Amrit Shakti Road, Chandivali. Senior citizen is now advised to go on bedrest for the next 3 months. Parents penalised for 5K. This is a major safety concern for pedestrians when parents hand over their cars to kids. @CPMumbaiPolice… pic.twitter.com/TzkIJsr3wl
— Chandivali Citizens Welfare Association (CCWA) (@ChandivaliCCWA) September 13, 2023
