मुंबई (इंडिया दर्पण वृत्तसेवा) – खार पोलिस स्टेशनमधील चार अधिकारी आणि कर्मचा-यांवर निलंबनाची कारवाई करण्यात आल्यामुळे पोलिस दलात मोठी खळबळ निर्माण झाली आहे.
एका व्यक्तीला आरोपी बनवण्यासाठी त्याच्या खिशात २० ग्रॅम एमडी ड्रग्ज ठेवण्यात आले. पण, पोलिसांचे हे कृत्य सीसीटीव्हीमध्ये कैद झाले आणि नंतर ते व्हायरल झाले. त्यानंतर ही निलंबनाची कारवाई करण्यात आली.
सीसीटीव्ही कॅमे-यात पोलिसांपैकी एकाने या व्यक्तीला खिशात अमली पदार्थ ठेवल्याचे चित्रीत झाले. याबाबत चौकशीचे आदेश देण्यात आले आहेत. पोलिसांकडून बोगस आरोपी बनवण्यासाठी करण्यात आलेल्या या कृत्यामुळे मुंबई पोलिसांची मात्र चांगलीच बदनामी झाली आहे.
