अजय सोनवणे, इंडिया दर्पण वृत्तसेवा
नाशिकला भाजीपाला विक्रीसाठी घेऊन जाणाऱ्या पिकअप – लक्सरी बस सामोरासमोर धडक होऊन झालेल्या भीषण अपघातात पिकअप मधील तीन शेतकरी जागीच ठार झाले तर चार ते पाच शेतकरी जखमी झाले आहे. नाशिक – सापुतारा महामार्गावरील बोरगावच्या चिखली शिवारात वळणावर हा भीषण अपघातात झाला. अपघातानंतर संतप्त शेतक-यांनी लक्झरीच्या काचा फोडून तोडफोड केली. अपघातस्थळी मोठा जमाव जमल्याने तणाव निर्माण झाला होता. पोलिसांनी घटनास्थळी धाव घेऊन परिस्थिती नियंत्रणात आणली. अपघातग्रस्त शेतकरी कळवण तालुक्यातील राहिवाशी आहेत.
