नाशिक (इंडिया दर्पण वृत्तसेवा)- खासदार सुप्रिया सुळे या नाशिकच्या चांदवड येथे कार्यकर्ता मेळाव्यासाठी आल्या होत्या. दरम्यान हा मेळावा संपन्न झाल्यानंतर परतत असताना पिंपळगाव बसवंत येथे खासदार भास्कर भगरे यांच्या निवासस्थानी रात्री उशिरा दाखल झाल्या. येथे सुप्रिया सुळे यांनी खा.भास्कर भगरे यांना आपले भाऊ मानत त्यांचे औक्षण करून रक्षाबंधन साजरे केले.
याप्रसंगी भास्कर भगरे यांनी देखील आपल्या बहिणीला ओवाळणी टाकत सुप्रिया सुळे यांचे आशीर्वाद घेतले. यानंतर सुप्रिया सुळे यांनी स्वतः हा व्हिडिओ आपल्या सोशल मीडिया प्लॅटफॉर्मवर शेअर केला आहे. दरम्यान सुळे यांनी भगरे कुटुंबीयांसोबत सेल्फी काढून एक दिवस आधीच रक्षाबंधन साजरी झाल्याची भावना व्यक्त केली.
