नाशिक – गोवा येथून नाशिकला विक्रीसाठी आणण्यात येणारा तब्बल एक कोटी रुपयांचा मद्य साठा नाशिक उत्पादन शुक्ल विभागाचे अधीक्षक मनोहर अंचुळे यांच्या पथकाने सापळा रचून पकडला. येवला टोल नाक्यावर खबऱ्या मार्फत मिळालेल्या माहितीनुसार ही कारवाई करण्यात आली. या प्रकरणात दोन आरोपींना अटक करण्यात आली आहे. विशेष म्हणजे सिरॅमिकच्या भांड्यांच्या गाडीत चोर कप्पा बनवून ही वाहतुक केली जात होती.
राज्य उत्पादन शुल्क विभागाला मिळालेल्या गुप्त माहितीनुसार केलेल्या कारवाईत अवैधरित्या वाहतूक होत असलेला सुमारे एक कोटी रुपयांचा मद्य साठा येवला नगर राज्य मार्गावरील पिंपळगाव टोल नाक्याजवळ जप्त करण्यात आला आहे. गेल्या काही महिन्यांपूर्वी उत्पादन शुल्क विभागाने याच ठिकाणी कारवाई करून असाच मोठा मद्यसाठा जप्त केला होता. उत्पादन शुल्क विभागाच्या या कारवाईने अवैध मद्य वाहतूक करणाऱ्यांचे धाबे दणाणले आहे
शनिवार २४ एप्रिल रोजी राज्य उत्पादन शुल्क विभागाच्या नाशिकच्या पथकाने येवला पथकाच्या मदतीने येवला कोपरगाव राज्य मार्गावरील टोल नाका परीसरात सापळा रचून मुद्देमालासह एक ट्रक ताब्यात घेण्यात आला असून दोन आरोपींना अटक केली आहे. मिळालेल्या अधिक माहितीनुसार दुपारी तीन वाजेच्या सुमारास येवला तालुक्यातील पिंपळगाव जलाल टोल नाका येथून ट्रक क्रमांक UP 82 T 9077 या मालवाहतूक वाहनातून शौचालय बांधणीसाठी लागणाऱ्या सिरॅमिक भांड्यांच्या आडोशाला ठेवलेल्या गवतामध्ये गोवा राज्यातच विक्रीची परवानगी असलेला विदेशी मद्यसाठा अवैधरित्या इतर राज्यात विक्री साठी उत्पादन शुल्क चुकूवून वाहतूक केला जात होता. उत्पादन शुल्क नाशिक विभागाचे अधीक्षक मनोहर अंचुळे यांना गुप्त बातमीदाराने दिलेल्या माहितीनुसार त्यांनी एक पथक तयार केले होते. या पथकात उत्पादन शुल्क निरीक्षक आर् एम फुलझळके, सहाय्यक निरीक्षक भरारी पथक एच एस रावते, सहाय्यक निरीक्षक ए पी पाटील, व्ही ए चौरे येवला निरिक्षक व राज्य उत्पादन शुल्क विभागाच्या कर्मचाऱ्यांसह सापळा रचून भगवांनदास धनसिंग कुशवाह (४१) विनोद फुलसिंग कुशवाह (३६) दोघे राहणार राजस्थान या दोघांना ताब्यात घेण्यात आले. त्यांच्याविरुद्ध महाराष्ट्र दारूबंदी अधिनियम अंतर्गत कारवाई करण्यात आली आहे. सदर अवैद्य मद्याची वाहतूक करणारी टोळी सक्रिय असण्याची शक्यता वर्तवली जात असून या दृष्टीने राज्य उत्पादन शुल्क विभाग तपास करत आहे उत्पादन शुल्क विभागाने केलेल्या कारवाईसाठी विभागीय उपायुक्त ओहोळ यांचे मार्गदर्शन लाभले.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
