मुंबई (इंडिया दर्पण वृतसेवा) – स्टेट बँक ऑफ इंडिया (SBI ) ने आपल्या ग्राहकांसाठी एक नवीन ऑफर आणली आहे. याचा लाभ ग्राहकांना गृहपयोगी वस्तू खरेदी करताना मिळू शकतो एका कार्डवर जास्तीत जास्त 6000 रुपयांचा कॅशबॅक मिळेल. SBI ही देशातील सार्वजनिक क्षेत्रातील सर्वात मोठी बँक आहे. आणि फसवणूक टाळण्यासाठी सरकारी बँक सहसा त्यांच्या नवीन सेवा आणि ग्राहकांच्या कामाची माहिती त्यांच्या सोशल मीडिया खात्यांवर शेअर करते. पण आता काही काळापासून एसबीआय त्या उत्पादनांची माहितीही देत आहे, ज्यांच्या खरेदीवर एसबीआय क्रेडिट कार्डद्वारे सूट मिळू शकते.
सध्या SBI क्रेडिट कार्डद्वारे टीव्ही, फ्रिज, वॉशिंग मशीन इत्यादी LLoyd उत्पादनांच्या खरेदीवर 17.5 टक्के कॅशबॅक उपलब्ध असेल. SBI कार्ड वापरकर्त्यांसाठी ऑफर केल्या जाणार्‍या या ऑफरबद्दल माहिती करून घेणे आवश्यक आहे. महत्त्वाचे म्हणजे जर तुमच्याकडे SBI क्रेडिट कार्ड असेल तर तुम्हाला लॉयड कंपनीची उत्पादने खरेदी करण्यावर चांगली सूट मिळेल.
तसेच लॉयडच्या उत्पादनांवर उपलब्ध असलेले हे फायदे फक्त ईएमआय व्यवहारांवर वैध आहेत. त्याचप्रमाणे जर तुम्हाला पैसे वाचवायचे असतील, तर तुम्हाला टीव्ही, फ्रिज, वॉशिंग मशीन, एसी यांसारखी लॉयडची उत्पादने ईएमआयवर खरेदी करावी लागतील. याशिवाय, SBI ची ही ऑफर कंपनीच्या निवडक उत्पादनांवरच लागू आहे.
SBI क्रेडिट कार्ड ग्राहकांनी 30 जून 2022 पर्यंत लॉयडची निवडक उत्पादने खरेदी केल्यास त्यांना EMI व्यवहारांद्वारे रु. 6000 पर्यंत कॅशबॅक मिळेल. या ऑफर अंतर्गत, एका क्रेडिट कार्डवर कमाल कॅशबॅक मर्यादा 6000 रुपये आहे. हा लाभ सर्व SBI क्रेडिट कार्डवर मिळू शकतो. परंतु ही ऑफर कॉर्पोरेट कार्ड्स आणि पेटीएम एसबीआय क्रेडिट कार्ड्सवर लागू होत नाही.
State Bank of India SBI Cashback Offer electronic purchasing
