नाशिक (इंडिया दर्पण वृत्तसेवा) – दिवाळी सुट्टी दिनांक २५.१०.२०२४ ते २५.११.२०२४ या कालावधीत प्रवाशांच्या सोयीसाठी नाशिक विभागा मार्फत नाशिक-पुणे, धुळे, नंदुरबार, छत्रपती संभाजीनगर, पुणे, बोरीवली, कसारा मार्गावर अतिरिक्त फे-यांचे नियोजन करण्यात आलेले आहे. तसेच विभागा अंतर्गत असलेल्या मालेगांव, सटाणा, मनमाड, नांदगांव, इगतपुरी, लासलगांव, कळवण, पेठ, पिंपळगांव या आगारांमार्फतही विविध मार्गांवर अतिरिक्त फे-या चालनात येणार आहे.
महिला सन्मान योजने अंतर्गत महिलांसाठी रा.प. महामंडळातर्फे सवलत दिली जात आहे. तसेच अमृत जेष्ठ नागरीक तसेच जेष्ठ नागरिकांसाठीही सवलत दिली जात आहे. तसेच नाशिक-पुणे मार्गावर शिवशाही सेवा प्रकारातील अतिरिक्त फे-या आरक्षणासाठी उपलब्ध केलेल्या आहेत. तरी या अतिरिक्त फे-यांचा लाभ घ्यावा असे आवाहन एसटी प्रशासनाने केले आहे.
