श्रीलंकेचे राष्ट्रपती राजपक्षे पत्नी आणि मुलांसह या देशात पळाले; असे झाले उघड

इंडिया दर्पण ऑनलाईन डेस्क – श्रीलंकेत सुमारे दहा दिवसांपासून अराजकीय परिस्थिती निर्माण झाली आहे. हजारो आंदोलकांनी  राष्ट्रपती निवासस्थानाचा ताब्या घेतला आहे. गेल्या आट दिवसांपासून बेपत्ता असलेले श्रीलंकेचे राष्ट्रपती गोटाबाया राजापक्षे यांनी श्रीलंकेच्या हवाई दल विमानाद्वारे आपल्या पत्नी आणि मुलांसमवेत देश सोडला आहे. हे सर्व जण मालदीव येथे गेल्याचे स्पष्ट झाले आहे. राजीनामा देण्यापूर्वीच त्यांनी देशातून पलायन केले आहे.

श्रीलंकेतील आर्थिक संकटानंतर आंदोलकांनी राष्ट्रपती भवनावर कब्जा केला आहे. पंतप्रधान रानिल विक्रमसिंघे यांचे खासगी घर जाळण्यात आले आहे. पण या सगळ्यात राष्ट्रपती गोटाबाया राजपक्षे कुठे आहेत? याची सर्वत्र चर्चा सुरू आहे. राष्ट्रपती गोटाबाया राजपक्षे यांनी १० दिवसांपूर्वीच त्यांचे अध्यक्षीय निवासस्थान सोडले होते, राष्ट्रपती गोटाबाया राजपक्षे दि. ५ जुलैपासून बेपत्ता असल्याचे सांगण्यात येत आहे. दरम्यान, राष्ट्रपती गोटाबाया राजपक्षे मालदीवसाठी रवाना झाल्याचे वृत्त आहे.

विशेष म्हणजे श्रीलंकेत आंदोलकांचा विरोध सुरूच आहे. यावेळी सर्व निदर्शक राष्ट्रपती, पंतप्रधानांच्या घरी तळ ठोकून आहेत. जोपर्यंत मागण्या मान्य होत नाहीत, तोपर्यंत आम्ही येथून हटणार नसल्याचे या सर्वांचे म्हणणे आहे. श्रीलंकेचा मुख्य विरोधी पक्ष समगी जना बालवेगया यांनी एकमताने सजिथ प्रेमदासा यांना अंतरिम अध्यक्षपदासाठी नामनिर्देशित करण्याचा निर्णय घेतला. त्याच वेळी, २० जुलै रोजी श्रीलंकेच्या संसदेत नवीन राष्ट्रपतीची निवड केली जाण्याची शक्यता आहे.

https://twitter.com/AthaudaDasuni/status/1547046279959613440?s=20&t=DxLu81VaeQuKS7WcOO8Y6A

एका वृत्तानुसार, कोलंबो विमानतळावर राष्ट्रपतींना अपमानाला सामोरे जावे लागले. इमिग्रेशन कर्मचाऱ्यांनी त्यांना देश सोडू दिले नाही. राष्ट्रपती गोटाबाया राजपक्षे यांना पदावर असताना अटक करता आली नाही. आणि अटकेपूर्वी त्याला देश सोडून जायचे होते असे मानले जाते. पण एअरपोर्टवर अडविल्यानंतर त्यांना समुद्रातून पळून जायचे होते. नौदलाच्या गस्तीनौकेतून देशाबाहेर जायचे होते. परंतु आंदोलकांचा वाढता विरोध आणि संताप बघता त्यांनी लपून राहून अखेर देशातून रात्रीच्या अंधारात गुप्तपणे समुद्रमार्गे मालदीवला पलायन केल्याचे सांगण्यात येते

दुसरीकडे एएफपीनुसार, असा दावा केला जात आहे की, अधिकार्‍यांकडून मिळालेल्या माहितीनुसार, श्रीलंकेचे राष्ट्रपती गोटाबाया राजपक्षे यांनी पहाटे लष्करी विमानातून देशातून उड्डाण केले. राष्ट्राध्यक्ष गोटाबाया राजपक्षे यांनी त्यांच्या विरोधात मोठ्या प्रमाणात निदर्शने केल्यानंतर शेजारील देश मालदीव सोडल्याचा दावा करण्यात आला आहे.

श्रीलंकेतील निदर्शनांमुळे राष्ट्रपती गोटाबाया राजपक्षे यांना अटक होण्याची भीती होती, त्यामुळेच अटक होण्याची शक्यता टाळण्यासाठी त्यांना पद सोडण्यापूर्वी परदेशात जायचे होते. त्यामुळे अध्यक्ष गोटाबाया राजपक्षे बुधवारी पहाटे लष्कराच्या अँटोनोव्ह-32 विमानातून मालदीवला रवाना झाले आहेत. इमिग्रेशन अधिकाऱ्यांनी सांगितले की या विमानात गोटाबाया राजपक्षे, त्यांची पत्नी आणि एक अंगरक्षक होते.

कोलंबोमध्ये हजारो नागरिकांनी राष्ट्रपतींच्या निवासस्थानासमोर निदर्शने केली. त्यांना ताब्यात घेण्यापूर्वी ७३ वर्षीय गोटाबाया देश सोडून पळून गेले. खरे तर त्यांना दुबईच्या दिशेने जायचे होते, परंतु इमिग्रेशन अधिकार्‍यांनी राष्ट्रपतींच्या पासपोर्टवर शिक्का मारण्यासाठी व्हीआयपी सूटमध्ये जाण्यास नकार दिला, कारण त्यांना भीती होती की विमानतळावर नागरिक गोंधळ घालतील.

आंदोलकांच्या भीतीने राष्ट्रपती गोटाबाया राजपक्षे यांचे धाकटे भाऊ बासिल राजपक्षे यांना परदेशात फरार व्हायचे होते, परंतु विमानतळाच्या कर्मचार्‍यांनी त्यास जोरदार विरोध केल्याने त्यांना माघार घ्यावी लागली. बेसिल राजपक्षे कोलंबो आंतरराष्ट्रीय विमानतळावर पोहोचताच, युनियनने त्यांच्या विरोधात निदर्शने सुरू केली. यावेळी कर्मचाऱ्यांनी घोषणाबाजीही केली. बेसिल राजपक्षे त्यांच्याकडे अमेरिकेचेही नागरिकत्व आहे.

या वर्षी एप्रिलपर्यंत श्रीलंकेतील सरकारमध्ये राजपक्षे कुटुंबातील पाच सदस्यांचा समावेश होता. त्यामध्ये राष्ट्रपती गोटाबाया राजपक्षे, पंतप्रधान महिंदा राजपक्षे, अर्थमंत्री बासिल राजपक्षे, पाटबंधारे मंत्री चमल राजपक्षे आणि क्रीडा मंत्री नमल राजपक्षे यांचा समावेश होता. एकेकाळी या राजपक्षे बंधूंचे श्रीलंकेच्या राष्ट्रीय बजेटच्या ७० टक्क्यांवर थेट नियंत्रण होते. राजपक्षे कुटुंबावर बेकायदेशीरपणे ५.३१ अब्ज डॉलर्स म्हणजेच ४२ हजार कोटी रुपये देशाबाहेर नेल्याचा आरोप आहे. त्यामुळे २० दशलक्ष लोकसंख्या असलेला श्रीलंका सध्या मोठ्या आर्थिक संकटाचा सामना करत आहे. लाखो नागरिक अन्न, औषधे, इंधन आणि इतर जीवनावश्यक वस्तू खरेदी करण्यासाठी धडपडत आहेत.

Srilanka President Gotabaya Rajapaksa fly away Srilanka Economic Crisis