पंढरपूर (इंडिया दर्पण वृत्तसेवा) – प्रेमविवाहाला विरोध केला म्हणून चक्क वडीलांना मुलीने मारहाण केल्याचा धक्कादायक प्रकार घडला आहे. या घटनेने वडील आणि मुलीच्या पवित्र नात्याला काळीमा फासल्याची भावना व्यक्त होत आहे.
प्रेम आंधळं असतं, असे म्हणतात. प्रेमामध्ये अगदी जीव देण्याची आणि जीव घेण्याचीदेखील तयारी दर्शविण्यात येते. घरच्यांनी कितीही विरोध केला तरी स्वत:चे प्रेम सिद्ध करण्याचा जुनून युवावस्थेत असतो. मात्र, याचा अर्थ प्रेमाला विरोध करणाऱ्या कुटुंबीयांना, रक्ताच्या नात्यातील व्यक्तींना मारहाण करण्याचे कुणीही समर्थन करत नाही. स्वत:चे प्रेम सिद्ध करून ते घरच्यांना पटवून देण्यासाठी मुलामुलींकडून संवैधानिक मार्गानेही प्रयत्न होत असतात. मात्र, पंढरपुरात मुलीने आपल्या वडीलांना मारहाण केल्याचा संतापजनक प्रकार उघडकीस आला आहे.
प्रेमविवाहाला विरोध करणाऱ्या पित्याला मुलीने मारहाण केल्याचा असा प्रकार पहिल्यांदाच घडत असल्याच्या भावना व्यक्त होत आहेत. पोलिसांनी दिलेल्या माहितीनुसार, प्रेम विवाहाला परवानगी न दिल्याने मंगळवारी रात्री साडे दहाच्या सुमारास माढ्यातील प्रसिद्ध व्यापारी महेंद्र शहा हे शेटफळ येथून मुलगी साक्षी हीला माठ्याकडे घेऊन येत होते. यावेळी वडाचीवाडी गावाजवळ बाथरुमसाठी गाडी थांबवली. यावेळी अज्ञातांनी शहा यांना जबर मारहाण सुरू केली. यात ते जखमी झाले. त्यांना उपचारासाठी सोलापुरातील रुग्णालयात दाखल केले.
साक्षीनेच केली मारहाण
या प्रकरणी साक्षी हीने पोलिसांत तक्रार दिली. पोलिसांनी तपास सुरू केला असता ही मारहाण साक्षीनेच तिच्या प्रियकराच्या मदतीने करविल्याचे सत्य पुढे आले. प्रेमविवाहाला वडिलांचा विरोध होता त्यांना जायबंदी करून विवाह करण्याचा कट रचला आणि त्यानुसार हे कृत्य केले असे पोलिस तपासात निष्पन्न झाले आहे. या प्रकरणी साक्षी शहा, चैतन्य कांबळे, आतिश लंकेश्वर,रामा पवार, बंडू उर्फ आनंद जाधव, मयूर चंदनशिवे असे अटक केलेले आरोपींची नाव आहेत.
solapur crime pandharpur daughter beaten father
love affair marriage oppose
