नवी दिल्ली – देशात यंदा कोरोना संसर्गाच्या घटनांनी मागील वर्षाचे विक्रम ओलांडले आहे. मात्र लसीकरण, कोवीड उपचार सेंटर त्याचबरोबर विविध आरोग्य विषयक उपाययोजना करण्यात येत असून संशोधनही सुरू आहे. त्यात कोरोना विषयीच्या अनेक संशोधनात धूम्रपान केल्याने कोरोनाचा धोका वाढल्याचे म्हटले आहे.
केंद्रीय माहिती व प्रसारण मंत्रालयाने एका ट्वीटद्वारे धूम्रपान करणार्‍यांना कडक इशारा दिला आहे की, धूम्रपान केल्याने फुफ्फुसांची क्षमता कमी होते. त्यामुळे या लोकांना कोविड -१९ चे दुष्परिणाम अधिक होत नोंद केली गेली आहे.
कोविड -१९ ची शक्यता या लोकांमध्ये कशी वाढते याविषयी एक इन्फोग्राफिक शेअर केले असून त्यात असे म्हटले आहे की, धूम्रपान केल्याने फुफ्फुसांची क्षमता कमी होते. त्यात पाईपद्वारे धूम्रपान केल्याने कोविड -१९ चा आणखी प्रसार होऊ शकतो. तसेच धूम्रपान केल्याने व्हायरल निमोनियाचा धोका वाढण्याची आणि व्हायरसच्या संक्रमणाची शक्यता वाढते.
दरम्यान, एनआयटीआय आयोगाचे सदस्य डॉ. व्हीके पॉल यांनी आरोग्य मंत्रालयाच्या पत्रकार परिषदेत ही माहिती देताना सांगितले की, कोरोनाची दुसरी लाट खूप वेगवान आहे, त्यामुळे पुढील चार आठवडे देशासाठी अत्यंत नाजूक आहेत.
कोरोनावर नियंत्रण ठेवण्यासाठी संपूर्ण देशाला कठोर परिश्रम करावे लागतील आणि त्यामध्ये लोकांचा सहभाग फार महत्वाचा आहे. देशात कोरोनामध्ये दररोज होणार्‍या संसर्गाच्या घटनांनी मागील विक्रम ओलांडले आहे. यावेळी कोरोनाची स्थिती किती मोठी असेल त्याचा अंदाज बांधणे शक्य नाही. तसेच त्याचे कोणतेही मूल्यांकन केले गेले नाही, असेही ते म्हणाले.
