सिन्नर – येथील अनिकेत मुकेश चव्हाणके याने NDA तील तीन वर्षांचे खडतर प्रशिक्षण नुकतेच पूर्ण केले असून IMA डेहराडून येथील एक वर्षाच्या ऑफिसर्स ट्रेनिंगसाठी त्याची निवड झाली आहे. अनिकेतसह जिल्ह्यातील ओम गांगुर्डे, वेदांत घंगाळे, प्रणव जोपळे यांनीही NDA चे प्रशिक्षण पूर्ण केले आहे. पुणे येथील खडकवासला येथे NDA च्या १४० व्या तुकडीची पासिंग आऊट परेड नुकतीच पार पडली. भारतीय नौसेनेचे चीफ अ‍ॅडमिरल करमजीत सिंग यांनी परेडला हजेरी लावत कॅडेट्सला मार्गदर्शन करीत त्यांना भावी वाटचालीस शुभेच्छा दिल्या. अनिकेत हा जिल्हा बँकेचे निवृत्त विभागीय अधिकारी मुकेश चव्हाणके यांचा मुलगा असून तीन वर्षांपूर्वी अनिकेतने पहिल्याच प्रयत्नात UPSC ची परीक्षा उत्तीर्ण होऊन NDA मध्ये प्रवेश घेतला होता. त्याच्या यशाचे सर्वत्र कौतुक होत आहेत.
