खासदार गोडसे यांच्या प्रयत्नातून क्यु.पीड. कंपनीच्या
सी.एस.आर. फंडातून तालुक्यातील ग्रामपंचायत कार्यालयात मशीन बसणार
सिन्नर : महिलांना मासिक पाळीत भेडसाविणाऱ्या समस्या सोडविण्यासाठी तसेच त्यांच्या सदृढ आरोग्यासाठी ग्रामीण भागात सॅनिटरी नॅपकीन मशीन, डिस्पोजेबल मशिन कार्यान्वित करण्यात येणार आहेत. खासदार हेमंत गोडसे यांच्या विशेष प्रयत्नातून सिन्नर येथील क्यु. पीड. कंपनीच्या सी.एस.आर. फंडातून तालुक्यातील जवळपास ७० गावांमध्ये हे सॅनिटरी मशीनसह डिस्पोजेबल मशीन बसविण्यात येणार आहेत. या मशीनचा आज सोमवार (दि. ३) रोजी येथील पंचायत समिती कार्यालयात लोकार्पण सोहळा पार पडणार आहे.
सोमवार (दि.३) सकाळी अकरा वाजता माजी आमदार राजाभाऊ वाजे यांच्या अध्यक्षतेखाली हा कार्यक्रम होणार असून खासदार गोडसे यांच्या हस्ते सॅनिटरी नॅपकीन मशीन, डिस्पोजेबल मशिनचे लोकार्पण होणार आहे. यावेळी प्रमुख पाहुणे म्हणून युवानेते उदय सांगळे, सभापती शोभाताई बरके, नगराध्यक्ष किरण डगळे, उपसभापती संग्राम कातकाडे तसेच प्रमुख पाहुणे म्हणून शिवसेना तालुका प्रमुख सोमनाथ तुपे, उपजिल्हाप्रमुख दीपक खुळे, शहर प्रमुख गौरव घरटे ,कार्यालय प्रमुख पिराजी पवारआदींसह पदाधिकारी व कार्यकर्ते उपस्थित राहणार आहेत. या कार्यक्रमाप्रसंगी शासनाने कोविड १९ अंतर्गत घालून दिलेल्या सर्व नियमांचे पुरेपूर पालन करण्यात येणार असल्याचे सिन्नर शिवसेनातर्फे कळविण्यात आले आहे
