सिन्नर – लोकनेते शंकरराव बाळाजी वाजे अभ्यासिका, सिन्नर येथील विध्यार्थी करण उगले याची नुकतीच इन्स्टीट्युट ऑफ बँकिंग पर्सनल सिलेक्शन या परीक्षेद्वारे प्रोबेशनरी ऑफिसर या पदावर पंजाब अॅड सिंध बँक येथे नियुक्ती झाली. यावेळी माजी आमदार राजाभाऊ वाजे यांनी करण यांचे अभिनंदन करत त्यास शुभेच्छा दिल्या. कौटुंबिक परिस्थिती नाजूक असताना शिक्षण पूर्ण करणे अडचणीचे होते. शैक्षणिक खर्च झेपावणारा नसल्याने लोकनेते अभ्यासिकेच्या माध्यमातून नियमित अभ्यास सत्र सुरु केले. या सर्वच अडचणींवर मात करत करणने घवघवीत यश संपादित केले. त्याचे सर्वच स्तराहून अभिनंदन केले जात आहे.
लोकनेते शंकरराव बाळाजी वाजे अभ्यासिका हे माजी आमदार राजाभाऊ वाजे यांनी अनेक वर्षापासून सुरू केले असून. या अभ्यासिका मध्ये अनेक विद्यार्थी अभ्यास करीत असतात. सिन्नर तालुक्यातील विशेष ग्रामीण भागातील विद्यार्थी अभ्यास करण्यासाठी या अभ्यासिका मध्ये येत असतात. यु पी एस सी, एमपीएससी ,पोलीस अधिकारी तसे अनेक उच्चस्तरीय परीक्षांचे पुस्तके या अभ्यासिका मध्ये असल्याने व ते राजाभाऊ वाजे यांनी उपलब्ध करून दिल्याने अनेक परीक्षांसाठी अभ्यासासाठी ही अभ्यासिका योग्य असल्याने व अनेकांचे मार्गदर्शन लाभल्याने येथे अनेक विद्यार्थी उच्च अधिकारी पर्यंत गेलेले असून. सिन्नर तालुक्याचे नाव विविध कार्यालयांमध्ये या अभ्यासिका द्वारे झळकत आहे.
