सिन्नर – तालुक्यातील श्रीसूर्यभानजी गडाख सेकंडरी टीचर्स को-ऑप टीचर्स सोसायटीच्या अध्यक्षपदी रावसाहेब तांबे ,उपाध्यक्षपदी शुभांगी मोगल तर कार्यवाहपदी नानासाहेब खुळे यांची बिनविरोध निवड झाली. संस्थेचे संस्थापक अध्यक्ष व माध्यमिक लोकशिक्षण मंडळाचे उपाध्यक्ष दौलतराव मोगल यांच्या प्रयत्नातून संस्थेच्या संचालक मंडळाची निवडणूक महिनाभरपूर्वीच बिनविरोध झाली होती. आज संस्थेच्या अध्यक्ष,उपाध्यक्ष व कार्यवाह पदाच्या निवडणुकीसाठी सहायक निबंधक बाबासाहेब पाटील यांच्या अध्यक्षतेखाली संस्थेच्या एस.जी. पब्लिक स्कुल शाखेत सभा बोलवण्यात आली होती.यावेळी अध्यक्षपदी रावसाहेब तांबे,उपाध्यक्षपदी शुभांगी मोगल तर कार्यवाहपदी नानासाहेब खुळे यांचेच प्रत्येकी एकेक नामांकन अर्ज आल्याने निवडणूक निर्णय अधिकाऱ्यांनी ही निवडणूक बिनविरोध झाल्याचे जाहीर केले.यावेळी बाबासाहेब डुंबरे,बापू चतुर,राजेंद्र गडाख,राजेंद्र मिठे,सुनील सानप,सलीम चौधरी,एकनाथ खैरनार,देविदास कामडी,वैशाली पाटील,अतुल पाटणे व रुपेश कुऱ्हाडे हे संचालक उपस्थित होते.सोनांबे विद्यालयाचे मुख्याध्यापक किशोर जाधव, सलीम चौधरी,एकनाथ खैरनार, शुभांगी मोगल,रावसाहेब तांबे,नानासाहेब खुळे, दौलतराव मोगल व निवडणूक निर्णय अधिकारी पाटील यांनी आपले मनोगत व्यक्त केले.
४० वर्षांपासूनची परंपरा टिकवून ठेवली..
संस्थेच्या स्थापनेपासून तिची प्रत्येक निवडणूक बिनविरोध करण्यात आली आहे.आज ४० वर्षानंतरही बिनविरोध निवडीची ही परंपरा कायम ठेवून संचालक मंडळाने चांगला आदर्श निर्माण केला आहे.सर्व संचालक मंडळ संस्थेच्या भरभराटीसाठी कटिबद्ध राहून सभासदांना चांगली सेवा देईल,असा विश्वास वाटतो.
दौलतराव मोगल, संस्थापक
