सिन्नर (इंडिया दर्पण वृत्तसेवा) – सिन्नर – घोटी महामार्गावर घोरवड घाटात मंगळवारी सकाळी धावत्या ट्रकला अचानक आग लागली. या आगीत संपूर्ण ट्रक जळून खाक झाला. हा ट्रक क्रमांक एमएच ४८ बीएम १६७६ घोटीहून सिन्नरच्या दिशेने जात होता. ट्रकच्या आगीने क्षणार्धात रुद्र रूप धारण केल्याने संपूर्ण ट्रक जळून खाक झालेला होता. सिन्नर नगर परिषदेच्या अग्निशामक व एमआयडीसी अग्निशामक दलाचे कर्मचारी यांनी आग आटोक्यात आणण्यासाठी शर्तीचे प्रयत्न केले. ही आग कशामुळे लागली याचे कारण स्पष्ट होवू शकले नाही. या आगीमुळे सर्वांची धावपळ झाली. तर काही वेळ या रस्तावरील वाहतूक खोळंबली.
