विशेष प्रतिनिधी, मुंबई
बॉलिवूडची प्रसिद्ध गायिका सुनिधी चौहान गेल्या काही दिवसांपासून चांगलीच चर्चेत आहे. नवऱ्यासोबत पटत नसल्याच्या बातम्या इतक्या व्हायरल झाल्या की त्यामुळे सुनिधीच्या घरातील वाद चव्हाट्यावर आला.
अर्थात आतापर्यंत तिने या व्हायरल झालेल्या चर्चेला उत्तर दिले नव्हते. मात्र अलीकडेच सुनिधीने खासगी जीवनाबाबत सुरू असलेल्या चर्चेवरील मौन तोडले आहे. खरे तर सुनिधी कधीच आपल्या खासगी जीवनाबाबत फारशी चर्चा करत नाही. पण तिचे तिच्या नवऱ्यासोबत पटत नसल्याच्या बातम्यांमुळे गडबड झाली. त्यावर सुनिधी तर नाही पण तिच्या नवऱ्याने मिडीयापुढे येऊन स्पष्टिकरण दिले होते. आमच्यात छान चाललय असे तो म्हणाला होता.
आता मात्र स्वतः सुनिधीने देखील बातम्या चुकीच्या असल्याचे सांगत आँल इज वेल असल्याचे आपल्या चाहत्यांना आणि ट्रोलरला सांगितले आहे. अलीकडेच तिने एका वृत्तसंस्थेला मुलाखत देताना या चर्चेवर स्पष्टिकरण दिले आहे. कुटुंबातील वादाच्या बाबतीत सुरू असलेली चर्चा अंगावर येत असल्याचे लक्षात आल्यावर सुनिधीला बोलणे भाग होते. तिने सांगितले की आता सारे काही छान आहे आणि आम्ही सारे सोबत आहोत.
तिच्या बोलण्यावरून तरी आता नवऱ्यात आणि त्याच कुठले वाद उरलेले नाही असे स्पष्ट होत आहे. शिवाय दोघेही एकत्र असल्याचेही फोटो तिने शेअर केले आहेत. सुनिधीने २०१२ मध्ये हितेश सोनिकसोबत दुसरे लग्न केले होते. २०१८ मध्ये त्यांना मुलगा झाला. आता तो तीन वर्षांचा झाला आहे. सुनिधीने वयाच्या १८व्या वर्षीच कोरियोग्राफर बॉबी खानसोबत लग्न केले होते, मात्र एकच वर्षात घटस्फोट झाला होता.
