मुंबई (इंडिया दर्पण वृत्तसेवा) – प्राचीन काळामध्ये भारतात स्वंयवर पद्धत असल्याचे आपण ऐकले आहे, परंतु आधुनिक काळात देखील स्वंयवर होऊ शकते ? हे ऐकून आपल्याला आश्चर्य वाटेल. परंतु आता प्रत्यक्षात मालिकेमध्ये असे स्वयंवर होणार आहे. विशेष म्हणजे या स्वंयवर मध्ये एकच वर किंवा नवरदेव असून अनेक वधू अनेक आहेत त्यापैकी योग्य वधूची निवड करण्यात येणार आहे. काय आहे अन् कोणाचे स्वंयवर आहे? हे सर्व जाणून घेऊ या…
राखी सावंतनंतर आता गायक मिका सिंग देखील टेलिव्हिजनवर स्वयंवर करताना दिसणार आहे. याआधी रतन राजपूत आणि मल्लिका शेरावत यांनीही स्वयंवर केले आहे. आता पुन्हा ते असेच होणार आहे. हा शो काही महिन्यांत सुरू होणार आहे. मिका सिंग शोमध्ये लग्न करणार नाही, तो तिथेच एंगेजमेंट करेल आणि तिथून रिलेशनशिप सुरू होईल. मिका सिंगच्या स्वयंवरवर, सूत्रांनी पुढे सांगितले की, मिका सिंग यामध्ये सहभागी होण्यासाठी खूप उत्सुक आहे. या शोमध्ये सहभागी होणारे स्पर्धक संपूर्ण भारतातून आहेत. याआधीही या शोबाबत अनेक प्रश्नचिन्ह उपस्थित झाले आहेत. यामागचे कारण म्हणजे रतन राजपूत, राखी सावंत किंवा मल्लिका शेरावत यापैकी कोणीही त्यांच्या जोडीदाराशी लग्न केले नाही. राहुल महाजनने डिंपी गांगुलीशी लग्न केले असले तरी. दोघेही 5 वर्षे एकत्र राहिले. त्यानंतर 2015 मध्ये ते वेगळे झाले.
विशेष म्हणजे मल्लिका शेरावत ‘द बॅचलर इंडिया मेरे खयलो की मलिका’ या शोमध्ये दिसली होती. यामध्ये तिने विजय सिंहला आपला जीवनसाथी म्हणून निवडले होते. नोव्हेंबर 2013 मध्ये हा शो संपला होता. त्यानंतर दोघेही काही काळ एकत्र दिसले होते. मात्र नंतर दोघेही वेगळे झाले.रतन राजपूतनेही अभिनव शर्माशी एंगेजमेंट केले.शो संपताच दोघांची एंगेजमेंटही संपली. मात्र मिकाच्या शोमध्ये आता राखी सावंत स्पर्धक म्हणून दिसू शकते मिकाच्या शोमध्ये काही नवोदित तारका स्पर्धक म्हणून दिसणार असल्याचेही बोलले जात आहे.
