मुंबई (इंडिया दर्पण वृत्तसेवा) – महाराष्ट्र नवनिर्माण सेनेचे प्रमुख राज ठाकरे यांनी मशिंदीवर अजानसाठी लावलेले लाऊडस्पीकर ताथा भोंगे हटविण्यासाठी जोरदार वादग्रस्त वक्तव्य केल्याने मोठी खळबळ उडाली होती. त्यानंतर एकदा ज्येष्ठ गायिका अनुराधा पौडवाल यांनी याबाबत मोठे वक्तव्य केले आहे.
हजारो लोकप्रिय गाण्यांना आपला आवाज देणाऱ्या या गायिकेने एका मुलाखतीदरम्यान सांगितले की, भारतात अजानसाठी लाऊडस्पीकरचा वापर आता बंद झाला पाहिजे. आपल्या देशात अशा पद्धतीची गरज नाही. मी जगात अनेक ठिकाणी भेट दिली आहे. मला भारत सोडून कुठेही असे काही दिसले नाही.मी कोणत्याही धर्माच्या विरोधात नाही, पण इथे जबरदस्तीने त्याचा प्रचार केला जात आहे. मशिदीतून लाऊडस्पीकरवर अजान ऐकली जात आहे. त्यामुळे इतर समुदाय प्रश्न करतात की, ते लाऊडस्पीकर वापरू शकतात तर इतर धर्माचे लोक तसे करू शकत नाहीत.”
या मुलाखतीत पौडवाल म्हणल्या की, मी मध्य पूर्वेकडील देशांमध्ये फिरलो आहे. तेथे लाऊडस्पीकरवर बंदी आहे. मुस्लिम देश याला परावृत्त करत असताना भारतात अशा पद्धतींची काय गरज आहे? ही प्रथा अशीच सुरू राहिल्यास काही जण लाऊडस्पीकरवर हनुमान चालीसा वाजवू लागतील. यामुळे निर्माण होणारे वातावरण चांगले राहणार नाही.
लाऊडस्पीकरवर अजानवर बंदी घालण्याबाबत एखाद्या सेलिब्रिटीने बोलण्याची ही पहिलीच वेळ नाही. 2017 मध्ये, लोकप्रिय गायक सोनू निगम, याला नुकताच पद्मश्री पुरस्कार मिळाला होता, त्याने लाऊडस्पीकरवर अजान विरोधात आवाज उठवला होता. त्यांनी दररोज सकाळी लाऊडस्पीकरवर अजान ऐकल्याबद्दल नाराजी व्यक्त केली. त्याच्या वादग्रस्त ट्विटनंतर गायकाला प्रचंड ट्रोलचा सामना करावा लागला होता.
