मुंबई (इंडिया दर्पण वृत्तसेवा) – दिल्लीतील श्रद्धा हत्याकांड प्रकरणात श्रद्धाचे वडील विकास वालकर यांनी पोलिसांवर अनेक आरोप केले आहेत. मुंबईत पत्रकार परिषदेत ते म्हणाले की, वसई पोलिसांनी तत्परता दाखवली असती तर आज माझी मुलगी जिवंत असती. दिल्ली पोलीस आणि मुख्यमंत्री एकनाथ शिंदे यांनी आपल्याला न्याय देण्याचे आश्वासन दिले आहे. गेल्या दोन वर्षांपासून मी माझ्या मुलीशी बोलण्याचा प्रयत्न करत होतो, मात्र तिने प्रतिसाद दिला नाही. माझ्या मुलीसोबत काय होत आहे हे मला कधीच सांगितले गेले नाही. ते म्हणाले, आज वसई पोलिसांमुळे अनेक समस्यांमधून जावे लागत आहे.
आफताबलाही अशी शिक्षा झाली पाहिजे की..
श्रद्धाचे वडील म्हणाले की, आफताब पूनावालाने माझ्या मुलीची ज्या प्रकारे हत्या केली आहे, तशीच शिक्षा त्याला झाली पाहिजे. त्याला फाशी झाली पाहिजे. यावेळी त्यांनी आफताबचे कुटुंबीय, आई-वडील आणि नातेवाईकांची चौकशी करण्याची मागणीही केली.
आफताबच्या न्यायालयीन कोठडीत १४ दिवसांची वाढ करण्यात आली आहे
श्रद्धा वालकर हत्येचा आरोपी आफताब अमीन पूनावाला शुक्रवारी साकेत न्यायालयात व्हिडिओ कॉन्फरन्सिंगद्वारे कारवाईत सामील झाला. सुनावणीनंतर न्यायालयाने आफताबच्या न्यायालयीन कोठडीत १४ दिवसांची वाढ केली. आफताब सध्या हत्येच्या आरोपाखाली तिहार तुरुंगात बंद आहे. पोलिसांनी आरोपी पूनावाला याला १२ नोव्हेंबरला अटक केली, त्यानंतर त्याला पाच दिवसांची पोलिस कोठडी सुनावण्यात आली. १७ नोव्हेंबर रोजी पोलिस कोठडीत पाच दिवसांची वाढ करण्यात आली. 22 नोव्हेंबर रोजी न्यायालयाने पुन्हा आरोपी आफताब पूनावाला याला चार दिवसांची पोलीस कोठडी सुनावली आणि त्यानंतर २६ नोव्हेंबर रोजी त्याला १३ दिवसांची न्यायालयीन कोठडी सुनावली.
Shraddha Murder Case Father Vikas Allegation
Crime Vasai Police Delhi
