मुंबई (इंडिया दर्पण वृत्तसेवा) – शिंदे गटाचे उपनेते माजी आमदार बबनराव घोलप यांनी शिवसेना (उद्धव बाळासाहेब ठाकरे) पक्षात प्रवेश केला. पक्षप्रमुख उद्धव ठाकरे आणि युवासेनाप्रमुख शिवसेना नेते आमदार आदित्य ठाकरे यांनी मनगटावर शिवबंधन बांधून त्यांचे पक्षात स्वागत केले.
बबन घोलप हे शिर्डी लोकसभा मधून खासदारकीसाठी इच्छुक होते. पण, त्यांना उमेदवारी मिळणार नाही हे लक्षात येताच त्यांनी ठाकरे गटाचा राजीनामा दिला. त्यानंतर ते शिंदे गटात गेले. पण, विधानसभा निवडणुकीत त्यांचा मुलगा माजी आमदार योगेश घोलप यांना उमेदवारी दिल्यानंतर त्यांनी शिंदे गटाला रामराम ठोकत पुन्हा ठाकरे गटात प्रवेश केला.
