नाशिक (इंडिया दर्पण वृत्तसेवा) – नाशिक जिल्ह्यात महाविकास आघाडीतील ठाकरे गटातर्फे चार उमेदवारांना एबी फार्म दिले असल्याची माहिती समोर आली आहे. यात नाशिक मध्य माजी आमदार वसंत गीते, नाशिक पश्चिम सुधाकर बडगुजर, मालेगाव बाह्य – अव्दैय हिरे, नांदगाव – गणेश धात्रक, यांच्या नावाचा समावेश आहे. येवला व निफाडचे एबी फॅार्म अद्याप देण्यात आलेले नाही.
महाविकास आघाडीची अधिकृत घोषणा होण्याअगोदर ठाकरे गटाने एबी फार्म देण्यास सुरुवात केली. हा एबी फार्म शिवसेनेच्या ठाकरे गटाच्या संभाव्य उमेदवारांना मिळाला आहे.
नाशिक मध्य मध्ये होता तिढा
नाशिक मध्यच्या जागेवर महाविकास आघाडीत तिढा होता. पण, वसंत गीते यांनी कालच प्रचाराला सुरुवात केली होती. नाशिक मध्य मध्ये महाविकास आघाडीतर्फे काँग्रेसने या जागेसाठी आग्रह धरला होता. गेल्या वेळी या मतदार संघातून डॅा. हेमतला पाटील या उमेदवार होत्या. पण, गीते यांना एबी फार्म दिल्यामुळे त्यांची उमेदवारी निश्चित झाली आहे.
यांनाही मिळाले एबी फार्म
नाशिक मध्य – वसंत गीते
नाशिक पश्चिम – सुधाकर बडगुजर
मालेगाव बाह्य – अव्दैय हिरे
नांदगाव – गणेश धात्रक
