आता विधान परिषदेत तरी शिवसेनेला विरोधी पक्ष नेतेपद मिळणार? राष्ट्रवादीची काय आहे भूमिका?

मुंबई (इंडिया दर्पण वृत्तसेवा) – महाराष्ट्रात सत्ता गमावलेली उद्धव ठाकरेंची शिवसेना सतत संकटातून जात आहे. उद्धव ठाकरेंच्या मुख्यमंत्रीपदाच्या राजीनाम्यानंतर एकनाथ शिंदे हे मुख्यमंत्री आणि विधानसभेतील विरोधी पक्षनेतेपद राष्ट्रवादीचे अजित पवार यांच्याकडे गेले आहे. एवढेच नाही तर आता राष्ट्रवादीच्या नेत्याला विधान परिषदेतील विरोधी पक्षाचे पदही हवे आहे. दुसरीकडे बंडखोरीला सामोरे जाणाऱ्या शिवसेनेचे म्हणणे आहे की, विधानसभेचे विरोधी पक्षनेतेपद राष्ट्रवादीला मिळाले असले, तरी येथे त्यांची कमान त्यांच्या हाती असली पाहिजे. विधान परिषदेत विरोधी पक्षांपैकी शिवसेनेचे सर्वाधिक १३ सदस्य असल्याचे शिवसेनेचे म्हणणे आहे.

विधान परिषदेतील विरोधी पक्षनेते पदावर राष्ट्रवादीही दावा करत असल्याचे शिवसेनेच्या एका नेत्याने सांगितले आहे.  राष्ट्रवादीकडे एकनाथ खडसे यांच्यासारखा ज्येष्ठ नेता आहे. जो सभागृहात भाजपला चांगली टक्कर देऊ शकेल, असे त्यांचे म्हणणे आहे. या महिन्याच्या अखेरीस पावसाळी अधिवेशन सुरू होणार असून त्यापूर्वी शिवसेनेकडून आपल्या कोणत्याही नेत्याचे नाव विधान परिषदेच्या विरोधी पक्षनेतेपदासाठी पाठवले जाऊ शकते.

शिवसेनेचे आमदार सचिन अहिर म्हणाले की, “आम्ही सरकारमध्ये नाही आणि विरोधी पक्षांमध्ये शिवसेनेचे सदस्यसंख्या सर्वाधिक आहे. आमचे १३ सदस्य असून एका अपक्ष आमदाराचाही पाठिंबा आहे. राष्ट्रवादीचे १० सदस्य असून त्यांना एका अपक्षाचा पाठिंबा आहे. त्यामुळे शिवसेनेचा दावा आहे. यासंदर्भात शिवसेना पक्षप्रमुख उद्धव ठाकरे हे विधान परिषदेच्या अध्यक्षांना पत्र पाठविणार आहेत.

बंडखोर एकनाथ शिंदे यांच्या समर्थनार्थ शिवसेनेचे ४० हून अधिक आमदार गेल्याने पक्षात फूट पडल्याचे दिसत आहे. एकीकडे उद्धव ठाकरेंना महाराष्ट्राची सत्ता सोडावी लागली, तर दुसरीकडे पक्षाबाबत संघर्षाची परिस्थिती आहे. शिवसेनेच्या एका नेत्याने सांगितले की, विधान परिषदेचे विरोधी पक्षनेतेपद सचिन अहिर किंवा माजी मंत्री अनिल परब यांच्याकडे जाऊ शकते. अनिल परब हे उद्धव ठाकरे यांच्या निकटवर्तीयांपैकी एक मानले जातात. मात्र, या पदासाठी नवा नेता घ्यावा, असेही पक्षातील एका वर्गाचे मत आहे. दुसरीकडे ठाकरे कुटुंबाला दीर्घकाळ निष्ठावान असलेल्या नेत्यालाच येथे ठेवायचे आहे.

विशेषत: अशा वेळी जेव्हा शिवसेना सर्वात मोठ्या बंडखोरीला तोंड देत आहे. शिवसेनेच्या एका नेत्याने सांगितले की, “राष्ट्रवादीलाही विधान परिषदेचे विरोधी पक्षनेतेपद हवे आहे. पण ते शिवसेनेसाठीही महत्त्वाचे आहे. शिवसेनेला ठामपणे बोलता येणार हे एकमेव ठिकाण असेल. विधान परिषदेची एकूण सदस्य संख्या ७८ असून भाजपचे सर्वाधिक सदस्य आहेत. शिवसेना दुसऱ्या क्रमांकावर तर राष्ट्रवादी तिसऱ्या क्रमांकावर आहे. त्याचवेळी काँग्रेस चौथ्या क्रमांकावर आहे.

Shivsena Opposition Leader Legislative Council Uddhav Thackeray NCP Sharad Pawar Politics