नाशिक (इंडिया दर्पण वृत्तसेवा) – धगधगत्या मशालीने इतिहास घडविल्याची नोंद आहे. शिवसेनेला मशाल हे चिन्ह देण्यात आले पण यापूर्वी देखील शिवसेनेकडे मशाल हे चिन्ह होते. छगन भुजबळ हे मुंबईत नगरसेवक पदासाठी १९८५ साली उभे असताना त्यांना शिवसेनेचे मशाल हे चिन्ह देण्यात आले होते. २ मार्च १९८५ ला विधानसभेची निवडणूक झाली आणि भुजबळ हे शिवसेनेचे एकमेव आमदार झाले. त्यानंतर एप्रिल मध्ये मुंबई महापालिकेची निवडणूक झाली. त्यात देखील भुजबळ हे नगरसेवक पदासाठी उभे होते. १९८५ साली स्व. बाळासाहेब ठाकरे यांनी स्वबळावर महापालिका निवडणूक लढविण्याचे ठरविले. त्यावेळी शिवसेनेचे चिन्ह होते “धगधगती मशाल”. याच चिन्हावर शिवसेनेचे ७४ नगरसेवक निवडून आले होते. आणि शिवसेनेची महापालिकेत सत्ता आली. याच मशालीने मोठा इतिहास घडविल्याची नोंद आहे.
Shivsena Mashal Symbol History Success Politics
