इंडिया दर्पण ऑनलाईन डेस्क
दीड वर्षानंतर १४ जुलै रोजी सर्वोच्च न्यायालयात शिवसेना पक्षाचे नाव आणि पक्षाचे निवडणूक चिन्ह यावर सुनावणी होणार आहे. निवडणूक आयोगाने पक्षाचे नाव व धनुष्यबाण चिन्ह एकनाथ शिंदे गटाला दिले होते. त्या ठाकरे गटाने दाखल केलेल्या याचिकेवर ही सुनावणी होणार आहे. हे प्रकरण सुप्रीम कोर्टात सूचिबद्ध केले आहे.
न्यायमूर्ती सूर्या कांत आणि न्यायमूर्ती जोयमल्या बागची यांच्या खंडपीठासमोर ही सुनावणी होणार आहे. या प्रकरणात शिवसेनेच्या उद्धव बाळासाहेब ठाकरे गटाने राष्ट्रवादी काँग्रेस पक्षाच्या प्रकरणात ज्याप्रमाणे निर्देश दिले होते. त्याच प्रकारचे निर्देश आपल्या प्रकरणात द्यावेत अशी मागणी ठाकरे गटाने केली आहे. विशेष म्हणजे राष्ट्रवादी काँग्रेस प्रकरणात सूर्या कांत यांच्या खंडपीठासमोर सुनावणी झाली होती. त्याच खंडपीठासमोर आता शिवसेना उद्धव ठाकरे गटाच्या याचिकेची सुनावणी होणार आहे.
अजितदादा पवार यांना राष्ट्रवादीचे चिन्ह वापरताना त्याची जाहीरात करण्याचे बंधन कोर्टाने घातले होते. अंतिम सुनावणीच्या अधिन तात्पुरते हे चिन्ह वापरण्यास दिले आहे अशी स्पष्ट कबुली अजितदादांना वर्तमान पत्रात करावी लागली होती.
