इंडिया दर्पण ऑनलाईन डेस्क
करमाळा विधानसभा मतदारसंघाचे माजी आमदार जयवंतराव जगताप यांनी शिवसेना पक्षात जाहीर प्रवेश केला. यावेळी त्यांचे पक्षात स्वागत करून त्यांना भावी वाटचालीसाठी उपमुख्यमंत्री एकनाथ शिंदे यांनी शुभेच्छा दिल्या.
जयवंतराव जगताप हे दोन वेळा करमाळा विधानसभा मतदारसंघाचे आमदार होते. १९९० साली अपक्ष तर २००४ साली शिवसेनेच्या धनुष्यबाण चिन्हावरती निवडणूक लढवून ते विजयी झाले होते. २०१९ साली विधानसभेला संजय मामा शिंदे यांना विजयी करण्यात आणि २०२४ साली नारायणआबा पाटील यांना विजयी करण्यात जयवंतराव जगताप यांचा सिंहाचा वाटा होता. जगताप यांच्या शिवसेना प्रवेशामुळे आगामी स्थानिक स्वराज्य संस्थेच्या निवडणुकीत शिवसेनेला फार मोठे बळ मिळणार आहे.
यावेळी सांगोल्याचे माजी आमदार शहाजी बापू पाटील, शिवसेना वैद्यकीय कक्षाचे कक्षप्रमुख मंगेश चिवटे, शिवसेनेचे जिल्हाप्रमुख महेश चिवटे, सांगलीचे विठ्ठल पाटील, बुलढाण्याचे डॉ.शशिकांत खेडकर, दिपक पाटणे उपस्थित होते.
