मुंबई (इंडिया दर्पण वृत्तसेवा)– शिवसेना मुख्य नेते व उपमुख्यमंत्री एकनाथ शिंदे यांच्या प्रमुख उपस्थितीत पालघर, डहाणू, छत्रपती संभाजीनगर, दादरा आणि नगर हवेली, रायगड, सिंधुदुर्ग, धुळे, सोलापूर येथील उबाठा गट, राष्ट्रवादी काँग्रेस (शरद पवार गट) , मनसे आणि विविध संघटनांच्या पदाधिकाऱ्यांनी शिवसेना पक्षात शुक्रवारी जाहीर प्रवेश केला.
यात पालघरचे माजी आमदार अमित घोडा, काँग्रेस सरचिटणीस जितू पटेल, आगवन गावचे सरपंच रुपजी कौल, विपुल रमण पटेल, संजय धोडी, मनसेचे अनिकेत माच्छी, अमूल पटेल, शोभा खताळ, रिक्षा संघटनेचे जगन्नाथ ठाकूर, संदीप पाटील, रामलीला प्रचार समितीचे पंडित राजू शर्मा तसेच छत्रपती संभाजीनगरचे उमेश वसंत महिरे, दादरा आणि नगर हवेलीचे हेमंत झा, अशोक तिवारी, महेंद्र कटारिया, धुळे जिल्ह्यातील नितीन पाटील, हेमाताई हेमाडे, सरोज कदम, भोला सगरे, सोलापूर जिल्ह्यातील ज्योतिराम मदने, बलभीम पाटील, मनोज नरसाणे, श्रीराम परदेशी, गणेश परदेशी आणि असंख्य पदाधिकाऱ्यांचा समावेश होता.
याप्रसंगी परिवहन मंत्री प्रताप सरनाईक, शिवसेना सचिव संजय मोरे, संजय म्हशीलकर, वैभव थोरात, पालघरचे जिल्हाप्रमुख कुंदन संख्ये, वसंत चव्हाण, जगदीश धोडी, वैदेही वाढाण विक्रम प्रताप सिंह तसेच शिवसेनेचे जिल्हाप्रमुख, पदाधिकारी आणि शिवसैनिक मोठ्या संख्येने उपस्थित होते.
