मनमाड (इंडिया दर्पण वृत्तसेवा) – शिवसेनेचे मनमाड शहर प्रमुख मयुर बोरसे यांनी आपल्या पदाचा राजीनामा दिला आहे. या राजीनाम्याचे पत्र त्यांनी शिवसेना पक्षप्रमुख उध्दव ठाकरे यांना पाठवले आहे. गेल्या सात वर्षापासून ते या पदावर कार्यरत होते. पण, त्यांनी कौटुंबिक कारण देत हा राजीनामा दिला आहे. पण,मी शिवसैनिक म्हणून यापुढे अखंडपणे कार्यरत राहील असेही त्यांनी या पत्रात म्हटले आहे. गेल्या काही दिवसात राज्यात घडलेल्या राजकीय घडामोडीमुळे हा राजीनामा दिला तर नाही ना अशी चर्चा आहे.
