इंडिया दर्पण ऑनलाईन डेस्क
संत तुकाराम महाराजांचे वंशज शिरीष महाराज मोरे (वय ३०) यांनी आज सकाळी घरात आपलं जीवन संपवलं आहे. घरामध्ये गळफास घेत त्यांनी आत्महत्या केली. या घटनेने परिसरात आणि वारकरी सांप्रदायात खळबळ उडाली आहे. प्राथमिक माहितीनुसार आर्थिक विवंचेनेतून त्यांनी देहूतील घरात आयुष्य संपवलं.
शिरीष महाराज मोरे यांनी नुकतेच नवीन घर बांधले होते. खालच्या मजल्यावर आई -वडील आणि वरच्या मजल्यावर ते राहत होते. मंगळवारी रात्री वरील खोलीत झोपण्यासाठी गेले. सकाळी साडे आठ वाजल्यानंतरही ते खाली आले नाहीत. म्हणून घरातील लोकांनी वरती रुमजवळ जाऊन दरवाजा वाजवला पण दार उघडले नाही. त्यानंतर दरवाजा तोडला. त्यावेळे त्यांनी पंख्याच्या हुकाला उपरण्याने गळफास घेतल्याचे निदर्शनास आले. आत्महत्या करण्यापूर्वी त्यांनी चिठ्ठी लिहून ठेवली आहे.
देहूत संत तुकाराम महाराजांचे ते अकरावे वंशज होते. वीस दिवसापूर्वी त्यांचा साखरपुडा झाला होता. एप्रिल महिन्यात त्यांचा विवाह होणार होता. ते प्रवचन आणि कीर्तन करायचे.
https://twitter.com/NiteshNRane/status/1887017339041751480
