चक्क बंगल्यात सुरू होता देहविक्री व्यवसाय… शिर्डी पोलिसांची मोठी कारवाई…

शिर्डी (इंडिया दर्पण वृत्तसेवा) – साईबाबा समाधीसाठी प्रसिद्ध असलेल्या शिर्डीमध्ये देहविक्री व्यवसाय होत असल्याची बाब समोर आली आहे. काही महिन्यांपूर्वी पोलिसांनी एका हॉटेलवर छापा टाकून तेथील व्यवसाय उद्धवस्त केला होता. आता चक्क एका आलिशान बंगल्यामध्ये देहविक्री व्यवसाय सुरू असल्याची बाब निदर्शनास येत आहे. शिर्डी सारख्या पवित्र स्थळी असे गैरप्रकार घडत असल्याने खळबळ उडाली आहे. शिर्डीत पुन्हा एकदा हाय प्रोफाइल देहविक्रेय रॅकेटचा पर्दाफाश करण्यात पाेलिसांना यश आले आहे. विशेष म्हणजे एका बंगल्यात हा गैरप्रकार सुरू होता. पाेलिसांनी या बंगल्यावर छापा टाकून एका पिडीत मुलीची सुटका केली. या घटनेतील दोन संशयित आरोपींची कसून चाैकशी करुन त्यांना पाेलिसांनी ताब्यात घेतले आहे. या धडक कारवाईनंतर पाेलिस दलाचे कौतुक होत आहे.

असा टाकला छापा
शिर्डी पवित्र तीर्थक्षेत्र समजले जाते. परंतु या ठिकाणी गेल्या वर्षी उच्चभ्र वस्तीत सेक्स रॅकेट उघड झाले होते. यावर्षी देखील काही महिन्यांपूर्वी असाच प्रकार घडला होता. त्यानंतर आता पुन्हा एकदा शिर्डी शहर परिसरात पिंपळवाडी रोड येथील बंगल्यात वेश्या व्यवसाय सुरु असल्याची माहिती डीवायएसपी संदीप मिटके यांना मिळाली. हे एक हाय प्रोफाईल रॅकेट असल्याची खबर लागल्याने पाेलिसांनी त्या ठिकाणी बनावट ग्राहक पाठवुन पंचासमक्ष छापा टाकला. यावेळी पाेलिसांनी एका पिडीत मुलीची सुटका केली. यामध्ये दाेघां जणांना ताब्यात घेण्यात आले. त्यांची चाैकशी केल्यानंतर त्यांच्यावर शिर्डी पोलीस ठाण्यात येथे अनैतिक व्यापारास प्रतिबंध कायद्यानुसार गुन्हा दाखल करण्यात आला.

धाबे दणाणले…
शिर्डी सारख्या पवित्र तीर्थक्षेत्राच्या ठिकाणी चालत असलेल्या अनैतिक व्यवसायावर केलेल्या कठोर कारवाईमुळे साई भक्तांनी आणि शिर्डीकरांनी डीवायएसपी संदीप मिटके यांचे कौतुक केले. या प्रकरणी पाेलिसांनी दाैलत किसन लटके (वय ४७) आणि अकुश संजय घोडके (वय १९) यांना अटक केल्यानंतर त्यांच्यावर गुन्हा दाखल केला आहे. या कारवाईमुळे शिर्डी शहरातील अवैध धंदे करणार्‍यांमध्ये भिती निर्माण झाली आहे. ही धडक कारवाई
पोलीस अधीक्षक राकेश ओला व उपअधिक्षक स्वाती भोर यांच्या मार्गदर्शनाखाली डीवायएसपी संदीप मिटके, गुलाबराव पाटील, इरफान शेख, कुऱ्हे, शिंदे, या पाेलिस अधिकारी आणि कर्मचाऱ्यांनी केली. सध्या शिर्डी शहरात याच प्रकरणाची चर्चा सुरू असून यापुढे असे गैरप्रकार घडू नये अशी अपेक्षा नागरिकांकडून व्यक्त होत आहे.

shirdi high profile sex racket burst police crime
Ahmednagar district bungalow