इंडिया दर्पण ऑनलाईन डेस्क
श्री साईबाबांवरील अपार श्रद्धा आणि भक्तीने प्रेरित होऊन देश-विदेशातील भाविक विविध स्वरूपात देणगी अर्पण करत असतात. त्याच भावनेतून श्री साईबाबा संस्‍थानचे तत्‍कालीन संरक्षण अधिकारी आण्‍णासाहेब बन्‍सी परदेशी यांनी त्‍यांचा मुलगा व मुलगी या दोघांनाही शासकिय सेवेत नोकरी मिळाल्‍यामुळे श्री साईचरणी ३६.२०० ग्रॅम वजनाचा सोन्याचा त्रिशुळ अर्पण केला असून त्‍यांची एकूण किंमत रुपये ३ लाख ३१ हजार ८४५ इतकी आहे.
सदरची देणगी प्राप्‍त झाल्‍यानंतर श्री साईबाबा संस्थानच्या वतीने उप मुख्यकार्यकारी अधिकारी भिमराज दराडे यांनी देणगीदार साईभक्‍तांचा सन्मानपूर्वक सत्कार केला.
खा. कंगना राणावत धुपारतीला उपस्थित
प्रसिद्ध सिनेअभिनेत्री खा. कंगना राणावत यांनी धुपारतीला उपस्थित राहून श्री साईबाबांच्या समाधीचे दर्शन घेतले. दर्शनानंतर श्री साईबाबा संस्थानच्या वतीने उप मुख्य कार्यकारी अधिकारी भीमराज दराडे यांनी त्‍यांचा सत्कार केला. यावेळी मंदिर प्रमुख विष्णू थोरात, जनसंपर्क अधिकारी दिपक लोखंडे आदी उपस्थित होते.
