शिंदे गटाने मेळाव्यात दारुच्या बाटल्या वाटल्या? मैदानात बाटल्यांचा खच

मुंबई (इंडिया दर्पण वृत्तसेवा) – एकनाथ शिंदे गटाचा दसरा मेळावा संपल्यानंतर दुसऱ्या दिवशी मुंबई विद्यापीठाशी संलग्न असलेल्या अनेक विद्यार्थी संघटनांनी कॅम्पसची दुरवस्था झाल्याचा आरोप केला आहे. युवा सेनेच्या सदस्यांनी कलिना कॅम्पसला भेट दिली असता कॅम्पसच्या आतील मैदान आणि रस्त्यावर प्लास्टिकच्या बाटल्या, खाद्यपदार्थांची पाकिटे तसेच दारूच्या रिकाम्या बाटल्या आढळून आल्या आहेत.

शिंदे गटाने विद्यापीठाच्या कलिना कॅम्पसमध्ये पार्किंगसाठी जागा मागितली होती. जेणेकरून रॅलीतील सहभागींची वाहने कॅम्पसमध्ये उभी करता येतील. गेल्या आठवड्यात, युवासेना, राष्ट्रवादी काँग्रेस पार्टी (एनसीपी) युवक काँग्रेस आणि छात्रभारती विद्यार्थी संघटनेसह विविध राजकीय पक्षांच्या प्रवक्त्यांनी या निर्णयाला आधीच विरोध केला होता. “सरकारी जमिनीचा गैरवापर” असे त्यास म्हटले होते. त्याचबरोबर सुरक्षेबाबतही प्रश्नचिन्ह उपस्थित करण्यात आले.

युवा सेनेचे मुंबई विद्यापीठाचे सदस्य प्रदीप सावंत म्हणाले की, “विद्यापीठाचे मैदान रिकामे करून बेशिस्तपणे वाहने उभी करण्यात आली होती ही वस्तुस्थिती आहे. कृपया लक्षात घ्या की कॅम्पसमध्ये कर्मचारी आणि विद्यार्थी राहतात. बुधवारी ज्यांना कॅम्पसमध्ये प्रवेश दिला गेला, त्यांनी कॅम्पस केवळ जीर्ण अवस्थेतच सोडला नाही, तर विद्यापीठाच्या मुख्य प्रवेशद्वाराचे (बीकेसी-प्रवेश)ही नुकसान केले.

दसरा मेळाव्याच्या दिवशी पार्किंगसाठी मुंबई विद्यापीठाचे मैदान वापरण्यास परवानगी नाकारण्याची विनंती १ ऑक्टोबर रोजी, तीन विद्यार्थी गटांनी विद्यापीठ प्रशासनाला केली होती. छात्र भारती विद्यार्थी संघटनेचे अध्यक्ष रोहित ढमाले म्हणाले की, “विद्यापीठाच्या मैदानाचा हा गैरवापर तर आहेच, शिवाय कॅम्पसमध्ये राहणारे कर्मचारी आणि विद्यार्थी यांनाही धोका आहे. कलिना कॅम्पसमध्ये अनेक वसतिगृहे आहेत, ज्यात किमान दोन मुलींच्या वसतिगृहांचा समावेश आहे. विद्यार्थ्यांच्या सुरक्षेची जबाबदारी कोण घेणार?

मुंबईच्या महापौर किशोरी म्हणाल्या 
कलिना कॅम्पसमध्ये मनपाचे कचऱ्याचे ट्रक संपूर्ण कॅम्पसमध्ये पसरलेल्या बाटल्या साफ करत होते. महापौर किशोरी पेडणेकर म्हणाल्या की, “कलिना कॅम्पसमध्ये दारूच्या बाटल्या सापडल्या, जिथे रॅलीतील सहभागींची वाहने उभी होती. हे अस्वीकार्य आहे.” शिंदे गटाने पैसे देऊन माणसे जमवली पण त्यांच्यासाठी दारुचीही सोय केली ही अत्यंत निषेधार्ह बाब आहे. मुंबई विद्यापीठाच्या अधिकाऱ्यांनी सांगितले की मुंबई महापालिकेने लेखी मागणी केल्यानंतर त्यांना मैदान उपलब्ध करून देण्यात आले.

Shinde Group Dasara Melava Liquor Bottle in Ground