मुंबई (इंडिया दर्पण वृतसेवा) – औद्योगिक यंत्रसामग्रीच्या व्यवसायाशी संबंधित एका कंपनीने चांगला परतावा दिला आहे. ही कंपनी स्टोव्हेक इंडस्ट्रीज लिमिटेड आहे. गेल्या काही वर्षांत कंपनीच्या शेअर्सने 70 रुपयांवरून 2700 रुपयांचा टप्पा ओलांडला आहे.
स्टोवेक इंडस्ट्रीजने आता 570 टक्के किंवा प्रति शेअर 57 रुपये अंतिम लाभांश जाहीर केला आहे. 30 एप्रिल 2022 पर्यंत कंपनीने हा लाभांश दिला आहे.
दि. 14 नोव्हेंबर 2008 रोजी बॉम्बे स्टॉक एक्सचेंज (BSE) वर स्टोवेक इंडस्ट्रीजचे शेअर्स 70 रुपयांच्या पातळीवर होते. दि. 26 एप्रिल 2022 रोजी कंपनीचे शेअर्स BSE वर 2842.35 रुपयांवर बंद झाले. या कालावधीत कंपनीच्या समभागांनी 3800 टक्क्यांहून अधिक परतावा दिला आहे. एखाद्या व्यक्तीने 14 नोव्हेंबर 2008 रोजी कंपनीच्या शेअर्समध्ये 1 लाख रुपयांची गुंतवणूक केली असती आणि त्याची गुंतवणूक कायम ठेवली असती, तर सध्या हे पैसे 40.60 लाख रुपये झाले असते.
दि. 6 ऑगस्ट 1998 रोजी, स्टोव्हॅक इंडस्ट्रीजचा शेअर बॉम्बे स्टॉक एक्सचेंज (BSE) वर 18 रुपयांवर व्यवहार करत होता. 26 एप्रिल 2022 रोजी कंपनीचे शेअर्स BSE वर 2,842.35 रुपयांवर बंद झाले. जर एखाद्या गुंतवणूकदाराने 6 ऑगस्ट 1998 रोजी कंपनीच्या शेअर्समध्ये 1 लाख रुपयांची गुंतवणूक केली असती आणि त्याची गुंतवणूक कायम ठेवली असती, तर सध्याची रक्कम 1.57 कोटी रुपये झाली असती. स्टोवक इंडस्ट्रीजच्या शेअर्सचा 52 आठवड्यांचा नीचांक 1766 रुपयांवर आहे. त्याच वेळी, कंपनीच्या समभागांची 52 आठवड्यांची उच्च पातळी 2949 रुपये आहे.
(महत्त्वाची सूचनाः शेअर बाजारात गुंतवणूक करणे अतिशय जोखमीचे असते. त्यामुळे तज्ज्ञांचा सल्ला घेऊनच योग्य तो निर्णय घ्यावा)
