इंडिया दर्पण ऑनलाईन डेस्क – एका फुटवेअर कंपनीच्या शेअर्सने गेल्या काही वर्षांत गुंतवणूकदारांना करोडपती बनवले आहे. ही फुटवेअर कंपनी म्हणजे रिलॅक्सो फूटवेअर्स आहे. गेल्या काही वर्षांत कंपनीचे शेअर्स ८९ पैशांवरून ९०० रुपयांपर्यंत वाढले आहेत. विशेष म्हणजे कंपनीच्या समभागांनी गुंतवणूकदारांना 90,000 टक्क्यांहून अधिक परतावा दिला आहे.
रिलॅक्सो फुटवेअर्स लिमिटेडच्या शेअर्सचा 52 आठवड्यांचा उच्चांक रु 1,447 आहे. त्याच वेळी, कंपनीच्या समभागांची 52 आठवड्यांची निम्न पातळी 928 रुपये आहे. दि. 10 जानेवारी 2003 रोजी बॉम्बे स्टॉक एक्सचेंज (BSE) वर रिलॅक्सो फुटवेअर्स लिमिटेडचे शेअर 89 पैशांच्या पातळीवर होते. 5 जुलै 2022 रोजी कंपनीचे शेअर्स BSE वर 984 रुपयांवर बंद झाले आहेत.
या कालावधीत कंपनीच्या समभागांनी 90,000 टक्क्यांहून अधिक परतावा दिला आहे. जर एखाद्या व्यक्तीने 10 जानेवारी 2003 रोजी कंपनीच्या शेअर्समध्ये 1 लाख रुपयांची गुंतवणूक केली असती आणि त्याची गुंतवणूक कायम ठेवली असती, तर सध्या ही रक्कम 11.20 कोटी रुपये झाली असती.
दरम्यान, रिलॅक्सो फुटवेअर्स लिमिटेडच्या शेअर्सनी गेल्या 10 वर्षात जबरदस्त परतावा दिला आहे. 22 जून 2012 रोजी कंपनीचे शेअर्स बॉम्बे स्टॉक एक्सचेंज (BSE) वर 24.11 रुपये होते. रिलॅक्सो फुटवेअर्स लिमिटेडचे शेअर्स 5 जुलै 2022 रोजी BSE वर Rs 984 वर बंद झाले.
जर एखाद्या व्यक्तीने 10 वर्षांपूर्वी रिलॅक्सो फुटवेअर्स लिमिटेड च्या शेअर्समध्ये 1 लाख रुपये गुंतवले असतील आणि आपली गुंतवणूक कायम ठेवली असेल तर सध्या हे पैसे 40.81 लाख रुपये झाले असते. रिलॅक्सोच्या समभागांनी गेल्या 5 वर्षांत सुमारे 283 टक्के परतावा दिला आहे. त्याच वेळी, कंपनीचे समभाग यावर्षी आतापर्यंत सुमारे 26 टक्क्यांनी घसरले आहेत.
(महत्त्वाची सूचनाः शेअर बाजारात गुंतवणूक करणे अतिशय जोखमीचे आहे. त्यामुळे तज्ज्ञांचा सल्ला घेऊन गुंतवणुकीचा निर्णय घ्यावा)
Share Market Investment Return Money Relaxo Footwears
