इंडिया दर्पण ऑनलाईन डेस्क – शेअर बाजारात किंवा स्टॉक मार्केटमध्ये अगदी कमी कालावधीत पैसे दाम दुप्पट होण्याची घटना शक्यतो कमीच असते. परंतु सध्या अशी घटना घडली असून त्याची चर्चा आहे, कारण ई-लर्निंग उद्योगाशी संबंधित एका कंपनीने जबरदस्त परतावा दिला आहे. ही कंपनी व्हरांडा लर्निंग सोल्युशन्स आहे. केवळ 15 ट्रेडिंग सत्रांमध्ये, कंपनीच्या समभागांनी गुंतवणूकदारांचे पैसे दुप्पट केले आहेत.
Veranda Learning Solutions च्या शेअर्सनी 15 ट्रेडिंग सत्रांमध्ये 100 टक्क्यांपेक्षा जास्त परतावा दिला आहे. कंपनीचे शेअर्स 11 एप्रिल रोजी एक्सचेंजमध्ये सूचीबद्ध झाले होते. व्हेरांडा लर्निंग सोल्युशन्सच्या शेअर्सने 305.75 रुपयांच्या 52 आठवड्यांच्या उच्चांक गाठला.
Veranda Learning Solutionsच्या शेअर्सची इश्यू किंमत 137 रुपये होती. कंपनीचे शेअर्स 4 मे 2022 रोजी 276.65 रुपयांवर बंद झाले आहेत. म्हणजेच 15 ट्रेडिंग सत्रांमध्ये कंपनीच्या शेअर्समध्ये 101.45 टक्के किंवा 139 रुपयांची वाढ झाली आहे. एखाद्या व्यक्तीने कंपनीच्या शेअर्सच्या लिस्टच्या दिवशी स्टॉकमध्ये 1 लाख रुपये गुंतवले असते, तर सध्या हे पैसे 2.01 लाख रुपये झाले असते. व्हरांडा लर्निंग सोल्युशन्सच्या शेअर्सचा 52 आठवड्यांचा नीचांक 149.15 रुपये आहे.
Veranda Learning Solutions ची EGM सर्वसाधारण सभा दि. 27 मे रोजी होणार आहे, ज्यामध्ये मंडळाचे सदस्य अनेक महत्त्वाच्या प्रस्तावांवर विचार करतील. कर्मचारी स्टॉक ऑप्शन प्लॅन 2022 या बैठकीत मंजूर केला जाऊ शकतो. Veranda Learning Solutions चा IPO 29 मार्च ते 31 मार्च दरम्यान खुला होता. कंपनीचे शेअर्स 130 ते 137 रुपयांच्या प्राइस बँडमध्ये उपलब्ध होते. कंपनीच्या शेअर्सचे वाटप 5 एप्रिल रोजी झाले. कंपनीचे शेअर्स इश्यू किमतीच्या 14.60 टक्के प्रीमियमवर लिस्ट केले गेले. कंपनीच्या आयपीओची लॉट साइज 100 शेअर्सची होती.
