मुंबई (इंडिया दर्पण वृतसेवा) – एस्ट्रल लिमिटेड या प्लास्टिक उत्पादने बनवणाऱ्या कंपनीच्या शेअर्सने आपल्या गुंतवणूक दारांना जबरदस्त परतावा दिला आहे. गेल्या काही वर्षांत कंपनीचे शेअर्स 2 रुपयांवरून 1700 रुपयांपर्यंत वाढले आहेत. Astral Ltd च्या समभागांनी या कालावधीत 70,000 टक्क्यांहून अधिक परतावा दिला आहे. विशेष म्हणजे कंपनीच्या शेअर्सचा 52 आठवड्यांचा उच्चांक 2,524.95 रुपये आहे. त्याच वेळी, एस्ट्रल लिमिटेडच्या शेअर्सचा 52 आठवड्यांचा नीचांक रु. 1,609.75 आहे.
दि. 13 मार्च 2009 रोजी नॅशनल स्टॉक एक्सचेंज (NSE) वर Astral Limited चे शेअर्स 1.98 रुपयांच्या पातळीवर होते. 3 जून 2022 रोजी कंपनीचे शेअर्स NSE वर 1746 रुपयांवर बंद झाले. या कालावधीत कंपनीच्या समभागांनी 70 हजार टक्क्यांहून अधिक परतावा दिला आहे. एखाद्या व्यक्तीने 13 मार्च 2009 रोजी कंपनीच्या शेअर्समध्ये 1 लाख रुपयांची गुंतवणूक केली असती आणि त्याची गुंतवणूक कायम ठेवली असती, तर सध्या हे पैसे 8.81 कोटी रुपये झाले असते.
दि. 8 जून 2012 रोजी नॅशनल स्टॉक एक्सचेंज (NSE) वर Astral Limited चे शेअर्स 25.33 रुपये होते. तर आता दि. 3 जून रोजी कंपनीचे शेअर 1746 रुपयांच्या पातळीवर बंद झाले आहेत. जर एखाद्या व्यक्तीने 10 वर्षांपूर्वी कंपनीच्या शेअर्समध्ये 1 लाख रुपये गुंतवले असते आणि आपली गुंतवणूक कायम ठेवली असती, तर सध्या हे पैसे 69 लाख रुपयांच्या जवळपास गेले असते. Astral Limited च्या शेअर्सनी गेल्या 5 वर्षात 350 टक्क्यांहून अधिक परतावा दिला आहे. त्याचवेळी, या वर्षात आतापर्यंत कंपनीच्या समभागांनी 25 टक्के नकारात्मक परतावा दिला आहे.
(महत्त्वाची सूचनाः शेअर बाजारात गुंतवणूक करणे हे अतिशय जोखमीचे आहे. त्यामुळे गुंतवणूक करण्यापूर्वी तज्ज्ञांचा सल्ला घेऊन योग्य निर्णय घ्यावा)
