मुंबई – कोरोनाच्या दुसऱ्या लाटेतही भारतीय शेअर बाजार चमकदार राहिला. गेल्या एका वर्षात अनेक समभागांनी शेअर धारकांना 100 टक्क्यांपेक्षा जास्त परतावा दिला आहे. मागील वर्षीच्या कोरोनाच्या संकटानंतर भारतीय शेअर बाजारासाठी यंदाचे वर्ष म्हणजे 2021 हे खूप यशस्वी मानले जाते. कारण यंदा मोठ्या संख्येने लार्ज-कॅप, मिड-कॅप आणि स्मॉल-कॅप कंपन्यांनी मल्टीबॅगर स्टॉकच्या यादीत प्रवेश केला आहे.
सन 2021 च्या मल्टीबॅगर स्टॉकच्या यादीमध्ये केवळ लार्ज, मिड-कॅप आणि स्मॉल कॅप स्टॉकच नाही तर पेनी स्टॉकचाही समावेश आहे. त्यामुळे अनेक कंपन्यांचे शेअर्स मल्टीबॅगर्समध्ये वळले. अशीच एक कंपनी म्हणजे रघुवीर सिंथेटिक्स होय.
रघुवीर सिंथेटिक्स:
गेल्या सहा महिन्यांत, कापड कंपनी रघुवीर सिंथेटिक्सच्या शेअरची किंमत सुमारे 20 रुपयांवरून 600.40 रुपयांपर्यंत पोहोचली आहे. या अल्प कालावधीत जवळपास 30 पट वाढ झाली आहे. एका आठवड्यात, हा मल्टीबॅगर स्टॉक 494 रुपयांवरून 600 रुपयांपर्यंत वाढला आहे, जो एका आठवड्यात सुमारे 21.5 टक्के वाढ दर्शवितो. गेल्या एका आठवड्यातील शेवटच्या 5 व्यापार सत्रांमध्ये, कापड समभागाने 5 टक्क्यांच्या वरच्या सर्किटला धडक दिली आहे.
सुमारे 2900 टक्के वाढ
त्याचवेळी रघुवीर सिंथेटिक्सच्या शेअरची किंमत 216 रुपयांवरून 600 रुपयांपर्यंत वाढली आहे. या कालावधीत सुमारे 175 टक्के वाढ झाली आहे. त्याचप्रमाणे, अगदी सहा महिन्यांच्या कालावधीत, हा मल्टीबॅगर स्टॉक रु.20 वरून 600 रुपयांच्या पातळीवर गेला आहे. या कालावधीत सुमारे 2900 टक्के वाढ झाली आहे.
गुंतवणुकीवर परिणाम
रघुवीर सिंथेटिक्समधील रक्कम पाहिली तर, एका आठवड्यापूर्वी 1 लाख रुपये गुंतवले होते, त्याची रक्कम 1.21 लाख रुपये झाली असेल. त्याचप्रमाणे गुंतवणूकदाराने या मल्टीबॅगर टेक्सटाईल स्टॉकमध्ये महिनाभरापूर्वी 1 लाख गुंतवले असते तर आज त्याची रक्कम 2.75 लाख झाली असती. जर एखाद्या गुंतवणूकदाराने या मल्टीबॅगर स्टॉकमध्ये सहा महिन्यांपूर्वी 1 लाख रुपये गुंतवले असतील तर आज त्याची रक्कम 30 लाख रुपये झाली आहे.
(महत्त्वाची सूचना – शेअर बाजारात गुंतवणूक करणे अत्यंत जोखमीचे आहे. त्यामुळे त्यासंदर्भात योग्य त्या सल्ल्याने निर्णय घ्यावा. येथे दिलेली माहिती ही गुंतवणुकीला चालना देण्यासाठी नाही.)
