पुणे (इंडिया दर्पण वृत्तसेवा) – शाओमी मोबाईल वापरणाऱ्या युजर्ससाठी धमाकेदार रेडमी डेज सेल सुरू झाला आहे. कंपनीच्या वेबसाईटवर १० मार्चपर्यंत असलेल्या या सेलमध्ये तुम्ही रेडमीचा जबरदस्त अगदी प्राथमिक Redmi 9A Sport (2GB+32GB) हा स्मार्टफोन ८,४९९ रुपयांऐवजी ६,९९९ रुपयांमध्ये खरेदी करू शकणार आहात. जर तुम्ही हा फोन प्रीमेड पेमेंट करून खरेदी केला, तर तुम्हाला त्यावर ७०० रुपयांची अतिरिक्त सवलतही मिळणार आहे. त्यामुळे या फोनची किंमत ६,२९९ रुपये होईल. त्याशिवाय जर तुमच्याकडे स्लाइस कार्ड असेल, तर तुम्हाला एक हजार रुपयांपर्यंतची अतिरिक्त सवलत मिळणार आहे.
कंपनीकडून या फोनमध्ये 1600*720 पिक्सल रिझॉल्युशनसह ६.५३ इंचाचा TFT IPS एचडी+ डिस्प्ले दिला जात आहे. हा फोन २ जीबी + ३२ जीबी आणि ३ जीबी+ ३२ जीबी या दोन प्रकारात मिळत आहे. कार्बन ब्लॅक, कोरल ग्रीन आणि मॅटॅलिक ब्लू या रंगसंगतीच्या पर्यायात मिळणाऱ्या या फोनमध्ये तुम्हाला ऑक्टा-कोर मीडियाटेक हिलियो जी२५ प्रोसेसर मिळणार आहे. रेडमीच्या या फोनमध्ये फोटोग्राफीसाठी रेयरमध्ये एलईडी फ्लॅशसह १३ मेगापिक्सलचा एआय कॅमेरा देण्यात आला आहे. तर सेल्फीसाठी ५ मेगापिक्सलचा एआय फ्रंट कॅमेरा दिला आहे. पी दोन आय वॉटरप्रूफ नॅनो कोटिंग आणि एआय फेस अनलॉक असलेल्या या फोनमध्ये तुम्हाला ५००० एमएएच बॅटरी मिळेल. बॅटरी पूर्ण चार्ज झाल्यानंतर ११ तासांची गेमिंग आणि ३१ तासांपर्यंत कॉलिंग ऑफर करते, असा दावा कंपनीकडून करण्यात आला आहे. ५१२ जीबी पर्यंत मायक्रो एसडी कार्डचा सपोर्ट मिळणाऱ्या या फोनमध्ये कनेक्टिव्हिटीसाठी ड्युअल सिम ४ जी VoLTE, वाय-फाय आणि ब्लूटूथ ५.० शिवाय सर्व स्टँडर्ड ऑप्शन देण्यात आले आहेत.
